बुटवल । बुटवलको एन्फा टेक्निकल सेन्टरमा २२ औं तिलोत्तमा गोल्डकप अन्तर्गत अहिले दोस्रो सेमिफाईनल खेलमा मनाङ मस्र्याङदी क्लव र फ्रेण्डस क्लव ललितपुरका बीच भइरहेको छ । अहिले खेल जारी छ । सुरुवाती अग्रता फ्रेन्ड्स क्लवले लिएको छ । ताजा स्थितीमा फ्रेन्ड्सले २ गोल गरेको छ । पहिलो हाफको ७ औं मिनेटमा फ्रेण्डस क्लवका रफिक अमिनोले गोल गर्दै टिमलाई सुरुवाती अग्रता दिलाएका छन् । त्यस्तै खेलको २६ औं मिनेटमा लक्ष्मण रुचालको क्रसमा उत्तम राईले गोल गर्दै टिमलाई २–० को अग्रता बनाएका छन् ।
हिजो बुधबार सम्पन्न पहिलो सेमिफाईनल खेलमा थ्रि स्टारलाई पराजित गर्दै सुदुरपश्चिम ११ फाईनलमा प्रवेश गरिसकेको छ ।
दुई विभागीयसहित ८ टिम सहभागी प्रतियोगिताको विजेताले ११ लाख ११ हजार एक सय ११ रुपैयाँ नगद पुरस्कार पाउने संघले जनाएको छ । गोल्डकपको उपविजेताले ५ लाख ५५ हजार ५ सय ५५ रुपैयाँ पुरस्कार प्राप्त गर्ने छ ।
सर्वोत्कृष्ट खेलाडीले एक लाख रुपैयाँ वा एक थान मोटरसाइकल पुरस्कार पाउँदा उत्कृष्ट फरवार्ड, गोलरक्षक, मिड फिल्डर, डिफेन्स र कोचले जनही ३० हजारका दरले नगद पुरस्कार प्राप्त गर्ने जनाइएको छ । यस्तै, प्रत्येक खेलमा म्यान अफ द म्याचलाई पनि ११ हजार १ सय ११ रुपैयाँ पुरस्कार प्रदान गरिने संघका रुपन्देही जिल्ला फुटबल संघ अध्यक्ष लोक पुनले जानकारी दिए । बुटवल उपमहानगरपालिकाले प्रतियोगिताका लागि ३५ लाख रुपैयाँ दिने निर्णय गरेको छ ।
