नेटवर्किङ व्यवसाय सञ्चालन गरेर सर्वसाधारणलाई पीडित तुल्याएको आरोपमा भारतको कुशीनगरबाट उद्धार गरेर ल्याइएका मध्ये १९ जनालाई नियन्त्रणमा राखेर अनुसन्धान सुरु गरेको जनाएको छ ।
प्रहरीले शनिबार १ सय १५ महिला र ३ सय ३८ जना पुरुष गरी ४ सय ५३ जनाको उद्वार गरेर भैरहवा ल्याएको थियो । तीमध्ये १ सय ९ महिला र ३ सय २५ जना पुरुषलाई आवश्यक प्रक्रिया पूरा गरेर स्थानीय जनप्रतिनिधि र पत्रकारको रोहवरमा शनिबार साँझ छाडिएको हो ।
बाँकी ६ जना महिला र १३ जना पुरुष गरी १९ जनालाई थप अनुसन्धानका लागि रूपन्देही प्रहरीको नियन्त्रणमा राखिएको रूपन्देहीका प्रहरी प्रमुख एसपी जनक शाहीले जनाए । उनीहरूलाई उद्वार गरेर शनिबार दिउँसो बेलहिया नाका हुँदै जिल्ला प्रहरी कार्यालयमा ल्याइएको थियो ।उद्धार गरिएकाहरूमध्येबाटै अनुसन्धानमा रहेकाले नै अन्य नेपालीलाई भारतमा लगेर नेटवर्किङमा लगाउने, फिराैती असुली गर्ने र नमाने बन्धक बनाउने गर्ने गरेको बताइएको छ।
