सम्मान कार्यक्रममा नगर प्रमुख शम्भुलाल श्रेष्ठले नेपालको नाम अन्तर्राष्ट्रिय स्तरमा चिनाउन महत्वपूर्ण भूमिका बर्दघाट नगरबासी पौडेलले खेलेको भन्दै प्रशंसा गरेका थिए । उनले क्रिकेटको लागि मैदानको ब्यवस्थापन हुन नसक्दा खेलाडीलाई केही अप्ठेरो भएको बताउँदै नगरले जग्गा ब्यवस्थापन गरी क्रिकेट मैदान बनाउन पहल गर्ने बताए ।

सम्मान कार्यक्रममा बोल्दै कप्तान पौडेलले सम्मान गरेकोमा आभार ब्यक्त गर्दै स्थानीय स्तरमा खेलाडी उत्पादनमा भौतिक पूर्वाधारमा लगानी गर्नुपर्नेमा जोड दिएका थिए । उनले खेल मैदानको ब्यवस्थापन र खेलक्षेत्रमा पनि नगरले लगानी गर्नुपर्नेमा जोड दिएका थिए ।

कार्यक्रममा नगर उपप्रमुख रुद्र प्रकाश उपाध्यायले सबैलाई एकजुट गराउने खेल क्षेत्रमा लगानी गर्नुपर्ने र खेलाडीलाई उचित तालिमको ब्यवस्थापन गर्नुपर्ने बताएका थिए । कार्यक्रममा प्रमुख प्रशासकीय अधिकृत कृष्ण प्रसाद सापकोटा, नगर प्रवक्ता सन्तु गाहा लगायतले शुभकामना मन्तब्य राखेका थिए ।

मंगलबारै लायन्स क्लव अफ नवलपरासी दाउन्नेले पनि कप्तान पौडेललाई सम्मान पत्र र दोसल्ला ओढाएर सम्मान गरेको थियो । यसअघि नवलपरासीका विभिन्न सँघसँस्थाहरुले सम्मान गरेका थिए ।