बुटवल । देविस्थान युवा क्लव मालिका गाउँपालिका वडा नं. ७ घमिरको आयोजनामा भएको खुल्ला फुटवल प्रतियोगिताको उपाधि नवयुग युवा क्लव अर्जैले हात पारेको छ ।
मंगलबार भएको फाईनल खेलमा आयोजक देविस्थान युवा क्लव घमिर ‘ए’ लाई १–० ले हराउँदै नवयुग युवा क्लव अर्जैले उपाधि हात पारेको हो । निकै प्रतिस्पर्धात्मक रहेको प्रतियोगितामा अर्जैका लागि एक मात्र निर्णाय गोल सुनिल परियारले गरेका थिए ।
उपाधि हात पारेको नवयुग युवा क्लव अर्जैले नगद ६ हजार सहित मेडल र प्रमाणपत्र हात पा¥र्यो । उपविजेता बनेको आयोजक ‘ए’ले नगद ३ हजार सहित मेडल र प्रमाणपत्र हात पा¥र्यो । त्यसअघि भएको सेमिफाईलमा नवयुग युवा क्लव अर्जैले रैनादेवी युवा क्लवलाई अर्जैलाई ३–० ले हराउँदै फाईनलमा प्रवेश गरेको थियो । उक्त खेलमा नवयुग युवा क्लव अर्जैका खेलाडिहरु सन्देश पराजुली, विश्व परियार र सुरेश परियारले गोल गरेका थिए ।
प्रतियोगितामा नवयुग युवा क्लव अर्जैका गोलकिप्पर अर्जुन सुनार, डिफेन्डर सुशिल परियार, कमल परियारले उत्कृष्ट प्रदर्शन गरेको खेल संयोजक सन्देश पराजुलीले जानाकारी दिए ।
प्रतियोगिता अबधिभर नवयुग युवा क्लव अर्जैले ७ गोल गरेको थियो । विपक्षी टिमले भने नवयुग युवा क्लव अर्जैको पोष्टमा १ गोल पनि गर्न सकेनन् ।
