बुटवल । ८ औं मणिमुकुन्द रनिङकप जिल्ला स्तरीय पुरुष भलिबल प्रतियोगिता माघ २४ गतेबाट हुने भएको छ ।
मणिमुकुन्द भलिबल क्लब तिलोत्तमाको आयोजनामा ८ औं मणिमुकुन्द रनिङकप जिल्ला स्तरीय पुरुष भलिबल प्रतियोगिता सुरु हुने आयोजकले पत्रकार सम्मेलन गरेर जानाकारी दिएको छ ।

पत्रकार सम्मेलनमा बोल्दै क्लवका अध्यक्ष लोकेन्द्र भण्डारीले स्वास्थ्यको लागि खेलकुद रास्ट्रको लागि खेलकुद भन्ने मुल नारा सहित तिलोत्तमा नगरपालिका वडा नं. २ स्थित क्लबको आफ्नै खेलमैदानमा माघ २४ गतेदेखी २८ गतेसम्म प्रतियोगिता हुने बताए । प्रतियोगितामा ११ जिल्लाको सहभागिता हुने उनको भनाई छ ।
मणिमुकुन्द भलिबल क्लबका संरक्षक तथा ८ औं मणिमुकुन्द भलिवल प्रतियोगिताका संयोजक सुरेन्द्र गुरुङले प्रतियोगिताको तयारी तिब्र पारिएको र अहिले खेल हुने स्थानमा ८ सय क्षमताको प्याराफिट निर्माण गरिसकिएको बताए ।
कुल १९ लाख खर्च हुने अनुमान गरिएको प्रतियोगितामा यस पटक लुम्बिनी प्रदेशका ४, गण्डकी प्रदेशका ५, सुदुरपश्चिम प्रदेश र बाग्मती प्रदेशका एक÷एक गरी कुल ११ जिल्लाले सहभागिता जनाउने उनले बताए ।
गण्डकी बाट बाग्लुङ, स्याङजा, तनहु, नवलपुर र पर्वत जिल्ला भलिवल संघले प्रतियोगितामा सहभागिता जनाउने आयोजकले बताएको छ । त्यसैगरी लुम्बिनी प्रदेशका रुपन्देही, पाल्पा, गुल्मी र नवलपरासी जिल्ला, सुदुरपश्चिम प्रदेशबाट बझाङ र बागमती प्रदेशबाट चितवन जिल्लाले प्रतियोगितामा सहभागिता जनाउने खेल संयोजक गुरुङले बताए ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

सम्बन्धित समाचार

रात्रिकालिन सेभेन–ए साईड फुटवल गर्दै बुटवल पब्लिक स्कुल

सातौँ खड्गप्रसाद गौचन स्मृति यु-१९ प्रतियोगिता : न्यू होराईजनको विजयी शुरुवात

पीएम कप छनोट सुरु, रूपन्देही र बर्दिया विजयी

लुम्बिनी प्रदेश स्तरिय ब्याडमिन्टन प्रतियोगितामा रबिन र हिमान्सु जोडी बिजयी

चौथो न्यू होराइजन कप अन्तर मावि जिल्ला स्तरीय छात्र भलिबल प्रतियोगिताको उपाधि आयोजकलाई

प्यारामाउन्ट बोर्डिङ हाई स्कुलमा खेल सप्ताह जारी