बुटवल । मणिमुकुन्द भलिबल क्लव तिलोत्तमाको आयोजनामा ८ औं मणिमुकुन्द रनिङगकप जिल्ला स्तरिय पुरुष भलिबल प्रतियोगिता हुने भएको छ ।
तिलोत्तमा नगरपालिका वडा नं. २ स्थित क्लवको आफ्नै खेलमैदानमा हुने प्रतियोगिता माघ २४ गते देखि २८ गते सम्म हुनेछ ।
जिल्लामा नयां खेलाडिहरुको उत्पादनका साथै खेल क्षेत्रको प्रबद्र्धन गर्ने उद्देश्यले प्रतियोगिता आयोजना गरिएको र अहिले तयारी तिब्र पारिएको मणिमुकुन्द भलिबल क्लवका अध्यक्ष लोकेन्द्र भण्डारीले बताए । अहिले मैदान व्यवस्थापन, प्रयोजक, सहप्रयोजकहरु खेज्ने कार्य भइरहेको छ ।
प्रतियोगितामा प्रथम हुनेले नगद १ लाख ५० हजार सहित रनिङग कप, मेडल र प्रमाणपत्र प्राप्त गर्नेछ ।
त्यसैगरी द्धितिय हुनेले नगद १ लाख सहि तकप मेडल र प्रमाणपत्र, तृतीय हुनेले नगद ५५ हजार सहि तकप मेडल र प्रमाणपत्र तथा चौथो हुनेले नगद ३० हजार सहि तकप मेडल र प्रमाणपत्र प्राप्त गर्ने आयोजकको भनाई छ । त्यसैगरी उत्कृष्ट खेलाडिलाई नगद १० हजार र अन्य विधामा उत्कृष्ट हुनेले नगद ५ हजार सहित प्रमाणपत्र प्राप्त गर्नेछन् ।
