प्रतियोगिता अन्तरगत मंगलबार क्वाटरफाइनलका खेल भएका हुन् । मंगलबार भएको पहिलो खेलमा दीप बोर्डिङलाई दुई शुन्यको सेटमा हराउँदै कुवँरवर्ती मावि विजयी बन्यो । यस्तै दोस्रो खेलमा होराइजनले ग्रीन प्लान्टलाई दुई शुन्यकै सेटमा हरायो भने तेस्रो खेलमा देवदह मदरटङ्सलाई आयोजक एभरेष्ट माविले सोझै सेटमै हरायो । त्यसैगरी देवदह बुद्धपब्लिकलाई दुई एकको सेटमा हराउँदै कुवँरवर्तीले अघिल्लो यात्रा सुरक्षित बनायो । अर्काे खेलमा कान्ति माविले सगरमाथा माविलाई हराउँदै सेमिफाईनमा प्रवेश गरेको खेल संयोजक घिमिरेले जानकारी दिए ।

प्रतियागिताको उपाधि विजेता टिमले नगद तीस हजार, शिल्ड तथा प्रमाणत्र हात पर्ने छ । यस्तै उपविजेता टिमले बिस हजार नगद, शिल्ड र तृतीय हुनेले दश हजार नगद शिल्ड तथा प्रमाणपत्र प्राप्त गर्ने आयोजक विद्यालयका सहप्राचार्य भिमसेन गौतमले बताए । सोमबारदेखि सुरु भएको प्रतियोगितामा रुपन्देही जिल्लाभरीका डेढ दर्जन सामुदायिक तथा संस्थागत विद्यालयका खेलाडि विद्यार्थीको टिमले प्रतिस्प्रर्धा गरेका छन् ।

खेलाडी विद्यार्थीको खेलप्रतिको रुचिलाई बाहिर निकाल्न र राम्रा खेलाडी उत्पादन गर्ने एभरेष्टले प्रत्येक वर्ष भलिबल प्रतियोगिताहरु आयोजना गर्दै आएको विद्यालयका प्राचार्य कृष्ण न्यौपानेले बताए । उनका अनुसार जिल्लास्तरीय भलिबलसँगै विद्यालयमा खेलकुद सप्ताह जारी रहेको र त्यसमा विभिन्न विधाका खेलकुदमा प्रारम्भिकदेखि मावि तहका झण्डै दुई हजार विद्यार्थीले प्रतिस्प्रर्धा गरि रहेका छन् । गत वर्ष भएको दशौ जिल्लास्तरीय भलिबलमा न्यु होराइजन मावि विजेता र कालिका मानवज्ञान मावि उपविजेता बनेको थियो । प्रतियोगिताको फाईनल खेलको समापन बुटवल उपमहानगरपालिकाका उपप्रमुख सावित्रादेवी अर्यालले गर्नेे कार्यक्रम रहेको आयोजक संस्थाले जनाएको छ ।