बुटवल ।
रोट्याक्ट क्लव अफ मणिग्रामको आयोजना भएको प्रथम रोट्याक्ट कप फुटसल प्रतियोगिताको उपाधि रोट्याक्ट क्लव अफ सेन्ट्रल रुपन्देहीले हात पारेको छ ।
रुपन्देहीको तिलोत्तमा स्थित युनिक फुटसलमा भएको प्रतियोगितामा रोट्याक्ट क्लव अफ तिनाउ सिटीलाई पराजित गर्दै रोट्याक्ट क्लव अफ सेन्ट्रल बुटवलले उपाधि हात पारेको हो ।
उपाधि हात पारेको रोट्याक्ट क्लव अफ सेन्ट्रल बुटवलले नगद २२ हजार २ सय २२ तथा उपविजेता बनेको रोट्याक्ट क्लव अफ तिनाउ सिटीले नगद ११ हजार १११ सहित शिल्ड र मेडल प्राप्त गरे ।
उनीहरुलाई क्लवले रोट्याक्ट डिष्ट्रिक ३२९२ का डिआरआर विक्रम क्षेत्री, क्लवका एडभाईजर लक्ष्मण ज्ञवाली, संस्थापक अध्यक्ष कृष्णप्रसाद बस्याल, क्लवका अध्यक्ष प्रमोद भण्डारीले संयुक्त रुपमा पुरस्कार प्रदान गरेका थिए ।
१७ टिमको सहभागिता रहेको प्रतियोगिताले क्लव भित्र आपसी भाईचारको विकास हुनुका साथै खेल र खेलाडिको प्रोत्साहन भएको क्लवका अध्यक्ष भण्डारीले बताए ।
कार्यक्रम संयोजक गणेश पन्तले सामाजिक क्षेत्रमा अग्रसर क्लवले हरेक बर्ष फुटसल संगै अन्य कार्यक्रम गर्ने प्रतिबद्धता जनाए । कार्यक्रममा क्लवका संस्थापक अध्यक्ष कृष्णप्रसाद बस्याल, क्लवका पुर्व अध्यक्ष निराजन अर्याल, डिष्ट्रिक ३२९२ का एडिटी प्रकाश खनाल, एडिएस अनुप पाण्डे लगाएतले विजयी खेलाडिहरुलाई शुभकामना दिएका थिए ।
