योगिकुटीमा डेढ करोडको लागतमा गणपती मिष्ठान्नको सातौं शाखा खुल्यो देवदह नगरपालिकामा तालाबन्दी – ‘मेयर र अधिकृतको काम गर्ने शैलीबाट आत्तिएर आक्रमण’ लुम्बिनी अस्पताललाई पश्चिम क्षेत्रकै विशिष्टकृत अस्पतालको रुपमा बिकास गछौं- मन्त्री खनाल बुटवलको पशु बधशाला सञ्चालनको तयारी आजको मौसम: यी प्रदेशमा वर्षा र हिमपातको सम्भावना को हुन् ? प्रहरीको हतियार खोस्न खोज्ने देवदहका जनप्रतिनिधी ! (फोटो फिचर) मगर दिवस : भाेलि बुटवल उपमहानगरमा स्थानीय बिदा मगर दिवस : फागुन १५ गते तिलोत्तमामा स्थानीय बिदा नवनियुक्त याेजना प्रमुखलाई लुम्बिनीमा स्वागत प्रहरीले बोकेको टियर ग्याँसको हतियार कांग्रेस र राप्रपाका जनप्रतिनिधिले खोस्ने प्रयास गरेपछि देबदह नगरपालिकामा तनाव                
समाचार :

सिटी क्याम्पसले चुम्यो भलिवलको उपाधि

देवदह । लुम्बिनी बौद्ध विश्वविद्यालयको १९औं बार्षिकोत्सवका अवसरमा आयोजना गरिएको शिक्षक÷कर्मचारी अन्तर निकायगत भलिबल प्रतियोगिताको उपाधि सिटी क्याम्पस बुटवलको ‘बी’ टिमले चुमेको छ ।

केन्द्रीय कार्यालयको टिम ‘बी’संग उपाधिका लागि मैदानमा प्रतिष्पर्धा गरेको सिटी क्याम्पसले सोझो सेजमा जित हासिल गरेको छ । जितसंगै बिजेता टिमले पाँच हजार नगद पुरस्कार, शिल्ड र मेडल हात पारेको छ ।

उपबिजेता बनेको केन्द्रीय कार्यालयको टिम ‘बी’ले चार हजार नगद, शिल्ड र मेडल पाएको छ । तेस्रो स्थानका उपाधि केन्द्रीय क्याम्पसले पाएको छ । सिटी क्याम्पसको टीम ‘ए’ लाई सोझो सेटले हराउदै केन्द्रीय क्याम्पसले तीन हजार नगद, शिल्ड र मेडल हात पारेको हो ।

प्रतियोगिताका बिजेताहरुलाई विश्वविद्यालयका उपकुलपति प्रा.डा. सुबर्णलाल बज्राचार्य, रजिष्ट्रार डा. तिलकराम आचार्य, डिनहरु डा. माणिकरत्न शाक्य, उकेशराज भूजुले शिल्ड, मेडल र नगद पुरस्कार प्रदान गरेका थिए ।

त्यसअघि भएका पहिलो चरणका खेलमा सिटी क्याम्पसको टिम ‘बी’ले केन्द्रीय कार्यालयको टिम ‘ए’लाई सोझो सेटमा पराजित गर्दै बाई प्राप्त गरी फाइनल प्रवेश गरेको थियो । केन्द्रीय क्याम्पसको टिमले सिटी क्याम्पसको ‘ए’ टिमलाई पराजित गर्दै सेमिफाइनल प्रवेश गरेको थियो ।

बाई प्राप्त गरी सोझै सेमिफाइनल खेलेको केन्द्रीय कार्यालयको टिम ‘बी’ले केन्द्रीय क्याम्पसलाई सोझो सेटमा पराजित गरेको थियो ।

शिक्षक तथा कर्मचारीहरुबीच मैत्रीपूर्णता विकास गर्नका लागि देवदहस्थित विकास अध्ययन तथा प्रायोगिक विज्ञान संकायको डिन कार्यालय परिसरमा भएको प्रतियोगितामा पाँच टिमको सहभागिता रहेको भलिवल प्रतियोगिता संयोजक रमेश पन्थीले जानकारी दिए ।

केन्द्रीय क्याम्पसबाट शक्तिधर यादवको कप्तानी, सिटी क्याम्पसबाट मेघनाथ खनाल र लालबहादुर बस्नेतको कप्तानीमा दुई टिम तथा केन्द्रीय कार्यालयबाट चुरामणि पोखरेल र यमुना मरासिनीको कम्तानीमा दुई टिम प्रतियोगितामा प्रतिष्पर्धा गरेका थिए ।

प्रतियोगितामा उपप्राध्यापक फुर्पा शेर्पा र सहायक प्राध्यापक मञ्जिल सुबेदीले रेफ्रिको भूमिका निभएका थिए । प्रतियोगिता स्थलमा विश्वविद्यालयका पदाधिकारी, शिक्षक, कर्मचारीका साथै स्थानीय बासिन्दाको समेत उपस्थिति रहेको थियो ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार