बुटवल । रुपन्देहीको मणिमुकुन्द भलिबल क्लब तिलोत्तमाको आयोजनामा मगलबारदेखि सुरु भएको आठौं मणिमुकुन्द रनिङ कप भलिबल अन्तरगत बुधबारको दोस्रो खेलमा गुल्मी विजयी भएको छ । गुल्मीले जिल्ला भलिबल संघ नवलपरासीलाई ३-१ को सेटमा जित निकालेको हो ।
खेलमा गुल्मीले २५-२१, २७-२५ र १९-२५ र २५-१७ को अंकसहित जित दर्ता गरेको हो । प्रतियोगितामा गुल्मीका चन्द्र कुंवर म्याद अफ दी म्याच घोषित भएका छन् । यसअघि विहान भएको पहिलो खेलमा जिल्ला भबिल संघ नवलपुर विजयी भएको छ । जिल्ला भबिल संघ बागलुङलाई ३-२ को सेटमा नवलपुरले जित दर्ता गर्दै समूह ए बाट क्वाटरफाइनल प्रवेश गरेको हो । समूह ए मा रहेका बागलुङ र म्याग्दी बीच हुने प्रतिस्पर्धापछि जित दर्ता गर्ने समूह उप विजेता बन्दै क्वाटरफाइनल प्रवेश गर्ने छ ।
तिलोत्तमा-२ स्थित क्लबको खेल मैदानमा जारी प्रयोगितामा तेस्रो खेल जिल्ला भलिबल संघ स्याङ्जा र जिल्ला भलिबल संघ पाल्पाका बीच प्रतिस्पर्धा हुने छ । दोस्रो दिनको अन्तिम तथा चौथो खेल जिल्ला भलिबल संघ म्याग्दी र जिल्ला भलिबल संघ बागलुङका बीच प्रतिस्पर्धा हुने छ ।
प्रतियोगिताको विजेताले रनिङशिल्डसहित नगद १लाख ५० हजार, कप, मेडल र प्रमाणपत्र प्राप्त गर्ने छ । यसैगरी उप विजेताले १ लाख नगद राशीसहित कप, मेडल र प्रमाणपत्र प्राप्त गर्ने छ भने तृतीय हुने समूहले ५० हजार नगद राशीसहित कप, मेडल र प्रमाणपत्र प्राप्त गर्ने छ । यसैगरी सान्त्वना हुने समूहले समेत ३० हजार नगद राशीसहित कप, मेडल र प्रमाणपत्र प्राप्त गर्ने आयोजकले जनाएको छ । विधागततर्फ उत्कृष्ट खेलाडीले नगद १० हजारसहित कप, मेडल र प्रमाणपत्र प्राप्त गर्ने छ । यसैरी बेस्ट सेटर, बेस्ट स्पाइकर, बेस्ट डिफेन्डर, बेस्ट ब्लकर तथा म्यान अफ दि म्याचलाई पनि पुरस्कारको व्यवस्था गरिएको अध्यक्ष भण्डारीले बताए ।
