बुटवल । ८ औं मणिमुकुन्द रनिङकप जिल्ला स्तरीय पुरुष भलिबल प्रतियोगिता माघ २४ गतेबाट हुने भएको छ ।
मणिमुकुन्द भलिबल क्लब तिलोत्तमाको आयोजनामा ८ औं मणिमुकुन्द रनिङकप जिल्ला स्तरीय पुरुष भलिबल प्रतियोगिता सुरु हुने आयोजकले पत्रकार सम्मेलन गरेर जानाकारी दिएको छ ।

पत्रकार सम्मेलनमा बोल्दै क्लवका अध्यक्ष लोकेन्द्र भण्डारीले स्वास्थ्यको लागि खेलकुद रास्ट्रको लागि खेलकुद भन्ने मुल नारा सहित तिलोत्तमा नगरपालिका वडा नं. २ स्थित क्लबको आफ्नै खेलमैदानमा माघ २४ गतेदेखी २८ गतेसम्म प्रतियोगिता हुने बताए । प्रतियोगितामा ११ जिल्लाको सहभागिता हुने उनको भनाई छ ।
मणिमुकुन्द भलिबल क्लबका संरक्षक तथा ८ औं मणिमुकुन्द भलिवल प्रतियोगिताका संयोजक सुरेन्द्र गुरुङले प्रतियोगिताको तयारी तिब्र पारिएको र अहिले खेल हुने स्थानमा ८ सय क्षमताको प्याराफिट निर्माण गरिसकिएको बताए ।
कुल १९ लाख खर्च हुने अनुमान गरिएको प्रतियोगितामा यस पटक लुम्बिनी प्रदेशका ४, गण्डकी प्रदेशका ५, सुदुरपश्चिम प्रदेश र बाग्मती प्रदेशका एक÷एक गरी कुल ११ जिल्लाले सहभागिता जनाउने उनले बताए ।
गण्डकी बाट बाग्लुङ, स्याङजा, तनहु, नवलपुर र पर्वत जिल्ला भलिवल संघले प्रतियोगितामा सहभागिता जनाउने आयोजकले बताएको छ । त्यसैगरी लुम्बिनी प्रदेशका रुपन्देही, पाल्पा, गुल्मी र नवलपरासी जिल्ला, सुदुरपश्चिम प्रदेशबाट बझाङ र बागमती प्रदेशबाट चितवन जिल्लाले प्रतियोगितामा सहभागिता जनाउने खेल संयोजक गुरुङले बताए ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

सम्बन्धित समाचार

बालबालिका खेल्ने र रमाउने थलो ‘स्केट जोन’प्रति युवा र ज्येष्ठ नागरिकको पनि आकर्षण बढ्दो

पाँच किमिको म्याराथन प्रतियोगिता गर्दै काँग्रेस रूपन्देही

ईडन स्कुलको आयोजनामा भएको पौडी प्रतियोगितामा तिलोत्तमा मा.वि.का सुमन प्रथम

नेशनल जुनियर ओपन टेनिस प्रतियोगितामा बुटवलकी श्रीनवी अर्याल नेपाल तेस्रो

१० वर्षपछि विश्वकपमा नेपाल : नेदरल्याण्ड्स सँग आज पहिलो खेल खेल्दै

बुटवलमा शनिबारदेखि ए डिभिजन क्लब छनोटका लागि जिल्ला लिग हुँदै