बुटवल । आज देखि पोखरामा हुन गइरहेको अन्डर १९ न्यू इयर कप राष्ट्रिय क्रीकेट प्रतियोगितामा भाग लिनको लागि रुपन्देही जिल्लाको प्रतिनिधित्व गर्दै जिल्लाका चौध जना खेलाडीहरू पोखरा पुगेका छन् ।
जस मध्ये इडन इङ्गलिस बोर्डिङ्ग सेकेन्डरी स्कुलमा अध्ययनरत पाँच विद्यार्थीहरु सहभागि भएका छन् ।
विद्यार्थीहरु शाल भुषाल कक्षा १२, सागर गिरी कक्षा १२, विमल भुषाल कक्षा ११,बिनय जि.सी. कक्षा ९ र रोहित विश्वकर्मा कक्षा ९ का विद्यार्थी उक्त प्रतियोगितामा समावेश भएको विद्यालयका प्राचार्य शिवहरी भटट्राईले जानाकारी दिए ।
पोखरा पुगेका विद्यार्थीहरुलाई सोमबार एक कार्यक्रमका बीच विद्यालय व्यवस्थापन समितिका अध्यक्ष एवं बुटवल उपमहानगरपालिका वडा नं. ११ का वडा सदस्य नकुल शाही ठकुरी, प्राचार्य शिवहरी भटट्राई, विद्यालयका क्रिकेट प्रशिक्षण तथा अन्तर्राष्ट्रिय क्रिकेट खेलाडि सन्दिप सुनारले विदाई गरेका थिए ।