आठौ जिल्लास्तरीय अन्तर माबि एभरेष्ट भलिबल कप छात्रछात्रा भलिबल प्रतियोगिता २०७९ को छात्रतर्फ कुंवरवर्ती बोर्डिङ स्कुल र छात्रातर्फ आयोजक एभरेष्ट बोर्डिङ स्कुल उपाधि जितेका छन ।
एभरेष्ट बोर्डिङ स्कुलको आयोजनामा आईतबार भएको छात्र फाईनल खेलमा मणिमुकुन्द माविलाई ३–१ को सेटमा पराजित गर्दै कुंवरवर्तीले उपाधि हात पारेको छ । यसैगरि छात्रातर्फ आयोजक एभरेष्ट बोर्डिङ स्कुलले कुंवरवर्ती बोर्डिङ स्कुललाई ३–० को सोझो सेटमा पराजित गर्दै उपाधि हात पारेको हो । प्रतियोगिताको उपाधि विजेताले नगद २० हजार रुपैया, कप, मेडल, प्रमाणपत्रबाट पुरस्कृत भए । प्रतियोगितामा उपविजेता छात्रतर्फ मणिमुकुन्द मावि र छात्रातर्फ कुंवरवर्ती नगद १५ हजार रुपैया, कप, मेडल, प्रमाणपत्रमा चित्त बुझाएका छन ।
छात्र तर्फ प्रतियोगितामा तृतिय भने सेन्ट जोसेफ स्कुल बन्यो । तेस्रो स्थानका लागि भएको प्रतिस्पर्धामा न्यू होराईजनलाई २–० को सोझो सेटले पराजित गर्दै सेन्ट जोसेफ तेस्रो भएको हो ।
छात्र तर्फ तृतिय भएको सेन्ट जोसेफ र छात्रा तर्फ तृतिय भएको न्यू होराईजन र समान नगद १० हजार रुपैया, रुपैया, कप, मेडल, प्रमाणपत्र प्राप्त गरे । प्रतियोगितामा छात्रतर्फ १९ र छात्रातर्फ १० टिमले भाग लिएका थिए ।
प्रतियोगितामा विजयी खेलाडिहरुलाई विद्यालयका प्राचार्य कृष्ण न्यौपाने, बुटवल उपमहानगरपालिकाकी उपप्रमुख सावित्रा अर्याल, अभिभावक संघ रुपन्देहीका अध्यक्ष लोकनाथ ज्ञवाली, विद्यालयका सहप्राचार्य भिमसेन गौतम लगाएतले पुरस्कार वितरण गरे ।