लुम्बिनी प्रदेशसभा संसदीय समितिमा सर्वसम्मत नेतृत्व अर्घाखाँची सिमेन्टले एनएमबि क्यापिटल लिमिटेडलाई तोक्यो शेयरको निष्काशन तथा बिक्री प्रबन्धक गुल्मीमा आगो निभाउने क्रममा १ जनाको मृत्यु, १ घाइते लुम्बिनी प्रादेशिक अस्पताल: ६ अर्ब लागतमा अन्डरग्राउण्डसहित बन्ने छ १२ तलाको अत्याधुनिक भवन दाङमा माटोको ढिस्कोले पुरिएर दुई बालकको मृत्यु आजको मौसमः गण्डकी, लुम्बिनी, कर्णाली र सुदूरपश्चिममा बर्षा र हावाहुरी प्रहरीले सुप्रिम सहकारीको अनुसन्धान टुंग्यायो स्वर्ण महोत्सवमा प्रशिक्षण, स्वास्थ्य शिविर तथा बृहत् रक्तदान कार्यक्रम रुपन्देहीको तिलोत्तमामा भयानक बस दुर्घटना (तस्विरहरु) आजको मौसमः तीन प्रदेशमा मेघगर्जन सहित बर्षा हुने                
समाचार :

कतार विश्वकप नेइमारको अन्तिम हो ?

काठमाडौं । क्रोएसियाविरुद्ध नेइमारले अतिरिक्त समयमा गरेको गोल उनकै करियरकै महत्वपूर्णमध्ये एक थियो । तर, नेइमारले त्यो गोलको खुसी धेरै बेर मनाउनै पाएनन्, कारण क्रोएसियाको चौथो पेनाल्टीले जाली चुमेसँगै उनको टिम विश्वकपको क्वार्टरफाइनलबाटै बाहिरियो ।

खेलको अतिरिक्त समयमा क्रोएसियाको जब्बर रक्षापंक्ति तोड्दै नेइमारले सानदार गोल गरेका थिए । तर, त्यसको १० मिनेटपछि ब्रुनो पेट्कोभिचले गोल गर्दै क्रोएसियालाई खेलमा फर्काए । त्यसपछि गोल हुन नसक्दा खेलको निर्णय पेनाल्टी सुटआउटबाट भएको थियो । जहाँ क्रोएसियाले ४–२ को नतिजामा बाजी मार्‍याे ।

विश्वकपको क्वार्टरफाइनलमा क्रोएसियासँग पराजित हुनु नेइमारका लागि सबैभन्दा पीडादायी क्षण बन्यो । विश्वकप सबै खेलाडीका लागि राष्ट्रिय टिमबाट जित्न चाहेको सबैभन्दा ठूलो उपाधि बन्छ । तर, अन्तिम आठको त्यो हारले नेइमारलाई पूर्ण रूपमा विक्षिप्त बनायो । उनी मैदानमै भक्कानिए । ब्राजिलियन टिमको सबैभन्दा रुचाइएका खेलाडी भएपनि नेइमारले अझै अन्तर्राष्ट्रिय उपाधि जित्न सकेका छैनन् र उनी अब चार वर्षपछि हुने विश्वकपका लागि ब्राजिलियन टिममा बस्ने नबस्नेबारे पनि निश्चित छैन । क्यानडा, अमेरिका र मेक्सिकोमा विश्वकप २०२६ मा उनी ३४ वर्षको हुनेछन् ।

 

“यसबारे अहिले यहाँ केही निर्णय सुनाउनु निकै हतारो जस्तो हुन्छ । तर, म कुनैपनि कुराको ग्यारेन्टी दिन भने सक्दिन,” क्रोएसियासँग हारेपछि आफ्नो करियरबारे नेइमारले भने, “मैले केही समय लिएर यसबारे सोच्न आवश्यक छ । मैले सेलेकाओका लागि ढोका बन्द गरिसकेको छैन तर, म शतप्रतिशत टिममा फर्किन्छु पनि भन्न खोजेको हैन ।”

कतारको विश्वकपअघि नेइमारले यो नै उनको अन्तिम विश्वकप हो भन्ने कुरामा असहमति जनाएका पनि थिएनन् ।

“इमान्दारसाथ भन्नपर्दा अब के हुन्छ भन्नेबारे मलाई थाहा छैन । अहिले यसबारे कुरा गर्नु मेरा लागि निकै कठिन कुरा हो । अब हाम्रा लागि निराशाजनक र घर जाने समय हो,” अन्तर्राष्ट्रिय करियरबारे दोधारमा देखिएका नेइमारको प्रतिक्रिया दिए ।

neymar 5 1670836016.jpg

सायद उपाधि जित्न नसकेको कुराले नेइमारलाई राष्ट्रिय टिम नछोड्न उत्प्रेरित गराउला । अहिलेसम्म नेयमारले राष्ट्रिय टिमबाट सन् २०१३ को कन्फेडेरेसन्स कप र २०१६ मा भएको ओलम्पिकमा फुटबलतर्फको स्वर्ण पदक जितेका छन् ।

सैद्धान्तिक रूपमा नेइमारसँग राष्ट्रिय टिमबारे निर्णयका लागि मार्चसम्मको समय छ । कारण, यही समयमा सन् २०२६ को विश्वकपका लागि दक्षिण अमेरिकी छनोट सुरु हुने आशा गरिएको छ ।

जब उनले अतिरिक्त समयमा गोल गर्दै ब्राजिललाई अग्रता दिलाएका थिए । खेलमा बनाएको अग्रताका कारण ब्राजिल सन् २०१४ पछि विश्वकपको सेमिफाइनल पुग्ने देखिएको थियो । क्रोएसियासँगको यो गोलसँगै नेइमारले ब्राजिलबाट सर्वाधिक अन्तर्राष्ट्रिय गोल गर्ने सर्वकालीन महान् खेलाडी पेले (७७ गोल) को कीर्तिमानसँग बराबरी गरेका थिए । तर, खेल सकिन तीन मिनेट बाँकी रहँदा क्रोएसियाले बराबरी गोल फर्कायो र खेललाई पेनाल्टी सुटआउटमा पुर्‍यायो । जहाँ रोड्रिगो र मार्किन्होस पाँचपटकको विश्वविजेता ब्राजिलबाट पेनाल्टी गुमाउने दुई खेलाडी बने ।

neymar 21670836022.jpg

क्रोएसियाविरुद्ध पेनाल्टी सुटआउटमा नेइमारले प्रहारका लागि मौकासमेत पाएनन् । किनभने प्रशिक्षक टिटेले उनलाई पाँचौ प्रहारका लागि राखेका थिए । जुन प्रयोग नै हुन पाएन ।

“यसले फरक पार्न सक्थ्यो भन्न निकै मुस्किल छ (यदि मैले अगाडि नै पेनाल्टी प्रहार गरेको भए) । हामी एक्लै उभिन सक्दैनौँ । हामी एकसाथ जित्छौँ र एकसाथ हाछौँ,” नेइमारले भने ।

सेमिफाइनल खेल्नु नेइमारको लागि राष्ट्रिय टिमबाट विश्वकपमा सबैभन्दा ठूलो सफलता बन्न सक्थ्यो । २०१४ मा ब्राजिलले घरेलु मैदानमा आयोजित विश्वकपको सेमिफाइनलमा प्रवेश गर्दा नेइमारले चोटका कारण खेल्न पाएका थिएनन् । जहाँ ब्राजिलले जर्मनीसँग ७–१ को फराकिलो हार बेहोरेको थियो ।

त्यसको चार वर्षपछि नेइमार र ब्राजिलले विश्वकपको क्वार्टरफाइनलमा बेल्जियमसँग २–१ को हार बेहोर्‍याे ।

नेइमारले चोटकै कारण सन् २०१९ मा ब्राजिलमै भएको कोपा अमेरिका पनि गुमाए । जसको ब्राजिलले उपाधि नै जितेको थियो ।

उनी कतारमा पनि चोटबाट पर रहन सकेनन् । पहिलो खेलपछि नेइमारले लिगामेन्ट चोटका कारण समूह चरणका बाँकी दुई खेल गुमाए । यो चोटका कारण नेइमारले विश्वकपका बाँकी खेल खेल्ने नखेल्नेबारे नै अनिश्चित बनेको थियो । तर, उनले अन्तिम–१६ को खेलसँगै टिममा पुनरागमन गरे । जहाँ ब्राजिलले दक्षिण कोरियालाई ४–१ ले हराउँदा एक गोल गरे ।

neymar 31670836016.jpg

ब्राजिलबाट १८ वर्षको उमेरदेखि खेल्दै आएका नेइमार छोटो समयमा नै राष्ट्रको चर्चित स्टार बने । नेइमारले अहिले नै ब्राजिलको टिम छोडे उनको स्थान लिने खेलाडी अझै देखिएको छैन । भिनिसियस जुनियर र सायद रोड्रिगो– तत्काल नेइमारको स्थान परिपूर्तिका लागि विकल्प बन्न सक्नेछन् ।

ब्राजिलसँगै विश्वभरका धेरै समर्थकले नेइमार फर्किनेछन् भन्ने आशा गरेका छन् ।

“हामीलाई अझै प्रेरित गर्दै जाऊ । म तिमीले गर्ने हरेक गोलमा खुसी मनाउनेछु, जसरी मैले तिमीले खेलेका हरेक खेलमा गर्दै आएको थिए,” पेलेले नेइमारबारे लेखेका छन्, “एक खेलाडीको रूपमा हाम्रो काम प्रेरणा दिनु हो । आजका हाम्रा सहकर्मीलाई, आउँदो पुस्तालाई र यी सबैभन्दा माथि सबैजनालाई जसले हाम्रो खेललाई माया गर्छन् ।”

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार