बागेश्वरी कला केन्द्र तथा संगीत एकेडेमी २५ औं वर्षमा देवशिद्ध खानेपानी तथा सरसफाई उपभोक्ता संस्था द्वारा सार्वजनिक शौचालय र धारा निर्माण भैरहवाको ‘सिद्धार्थ भिलासा’लाई ‘पाँच तारे होटल’को मान्यता पाल्पामा १९ वर्षीया पद्मा सुनारकाे हत्या गर्ने सार्वजनिक जमुनाह नाकामा रहेको अध्यागमन कार्यालय करिब तीन वर्षदेखि कामविहीन एमाले रुपन्देहीको अधिवेशन जेठमा नुहाउन गएकी प‌द्माको छिमेकीबाटै हत्या, सागरको घरमा भेटियो रगत लतपतिएको खुर्पा र किशोरीको मोबाइल लुम्बिनी वल्र्ड स्कुलले असल अभिभाकत्व र तनाव व्यवस्थापन तालिम आयोजना गर्दै लुम्बिनी प्रादेशिक अस्पतालमा निसन्तान दम्पत्तिका लागि ‘आइयुआई’ सेवा सुरु ड्रिम युनिक रुपन्देही सुपरलिग: डिभिजन ‘ए’काे पहिलाे खेलमा सैनामैना विजयी                
समाचार :

सुरक्षा अवस्था राम्रो छ, ढुक्कले मतदान गर्नुहोस् – रुपन्देही प्रहरी प्रमुख रेग्मी 

रविन्द्र रेग्मी रुपन्देहीको सुरक्षा ब्यवस्था सम्हाल्ने प्रहरी कमाण्डर हो । बि.सं. २०५६ सालको आम निर्वाचनमा प्रहरी सहायक निरिक्षक भएर चुनावी मोर्चामा खटिएका रेग्मी त्यसयताका प्रायः सवै चुनावी मोर्चामा सहभागी हुँदै अहिले प्रहरी उपरिक्षक पदमा रुपन्देही प्रहरी प्रमुखको रुपमा कार्यरत हुनुहुन्छ । गत बैशाखमा स्थानीय निकायको निर्वाचन, २०७४ मा स्थानीय र संसदीय निर्वाचन परिचालन गरी अनुभव बटुलेका रेग्मीलाई आसन्न निर्वाचनको सुरक्षा गर्ने र सबै मतदाताले निष्पक्ष र भयरहीत वातावरणमा मतदान गर्ने ब्यवस्था मिलाउने चुनौति छ । प्रभावशाली उमेदवारहरुको प्रतिष्पर्धाले जिल्लाको सुरक्षा ब्यवस्था र निर्वाचनलाई लिएर उब्जिएका शंका, उपशंका तथा चुनावी तयारीका बिषयमा जिल्ला प्रहरी प्रमुख रविन्द्र रेग्मीसँग गरेको कुराकानी

 

 रुपन्देही जिल्लामा निर्वाचन सुरक्षाको तयारी कस्तो छ ?

निर्वाचनको सुरक्षा तयारी पूरा गरिएको छ । सन्तोषजनक अवस्था छ सुरक्षाको । निर्वाचन सुरक्षाका तीन तह हुन्छन्, एउटा प्रि अवस्था अर्थात उमेदवार मनोनयन देखि प्रचारप्रसारलगायत मतदान हुनु पूर्वको अवस्था, दोश्रो डिउरिङ्ग अर्थात मतदान शुरु भएदेखि मतदान सम्पन्न नभएसम्मको अवस्था र तेश्रो पोष्ट अर्थात मतदानपछि मतपेटिका संकलन लगायत मत परिणाम घोषणा नहुँदासम्मको अवस्था । हामी अहिले पूर्वतयारीमै छौं । उमेदवारले प्रचार प्रसार गर्ने कार्य सकिएको छ, सीमा बन्द गरिएको छ । मतदान स्थलमा मतदान अधिकृत सहित मतदानसँग सम्बन्धित सामाग्रीहरु पुगिसकेका छन् । मतदान केन्द्र बनिरहेका छन् । प्रहरीले मतदान केन्द्र वरिपरि गश्ती गर्ने, सुरक्षा ब्यवस्था चुस्त दुरुस्त पार्ने काम गरिरहेको छ । राजनीतिक दलहरुले प्रचारप्रसार, सभा, समारोह पूरा गर्नुभयो, अब हाम्रो निगरानीको काम शुरु भएको छ । आचारसंहीता उल्लंघन भएको छ वा छैन, कुनै अवान्छित गतिविधि भएका छन् वा छैनन् नियालीरहेका छौं ।

रुपन्देही जिल्लामा केन्द्रीय राजनीतिमा प्रभाव पार्ने उमेदवारहरु प्रतिष्पर्धामा रहेका कारणले असाध्यै पेचिलो पनि छ यहाँको चुनाव । सुरक्षा संवेदनशीलता स्वभाविक रुपमा बढी देखिन्छ । कस्तो तयारी छ ?

जिल्ला सुरक्षा समितिले बिगतका सुरक्षा चुनौतिको अनुभव, दलहरुबीच हुन सक्ने बैमनस्यता र हाल नयाँ देखिएका सुरक्षा चुनौति, मतदान केन्द्रको जनघनत्व, मतदान स्थलको वनावटको आधारमा हामीले सुरक्षा संवेदनशीलतालाई मध्यनजर गरिकन सामान्य, अति संवेदनशील र संवेदनशील केन्द्रको रुपमा छुट्याएका छौं । रुपन्देहीमात्र होइन केन्द्रीय सुरक्षा नीति अनुसार सबै जिल्लाको प्रकृया यहि हो । त्यसै अनुसार नै नेपाल प्रहरी र म्यादी प्रहरीहरु खटिइसकेका छन् ।

मतदाताले भयरहीत वातावरणमा निर्धक्कसँग मतदान गर्ने अवस्था छ उसोभए ?

कुनै शंकै छैन । म फेरि अपिल गर्न चाहान्छु मतदाताहरुलाई कि आफुले चुन्न खोजेको, रोजेको, चाहेको उमेदवारलाई गोप्य मतदान गर्नुहोस् । यस्तो अवसर पाँच बर्षपछि मात्र आउँछ । यो अवसरलाई नचुकाउनु हुन म जिल्ला प्रहरी कार्यालय रुपन्देहीको प्रमुखको हिसावले अनुरोध गर्दै के आश्वास्त पार्न चाहान्छु भने हामीले पूर्ण शान्ति सुरक्षाको ब्यवस्था मिलाएका छौं र कुनै कसै एक मतदातालाई कुनै आँच हुने काम हुनेछैन त्यसको लागि हामी कुनै पनि मूल्य चुकाउन तयार छौं भनेर मैले ब्यक्तिगत हिसावले र कानुनी हिसावले ग्यारेन्टी दिलाउन चाहान्छु ।

यो निर्वाचनमा कति सुरक्षाकर्मी परिचालित हुन्छन् ।

प्रहरीलाई निर्वाचनको जिम्मा दिइएको हुँदा सुरक्षालाई प्रभावकारी गराउन आवश्यक पर्ने थप जनशक्तिको रुपमा म्यादी प्रहरी भर्ना गरिएको छ । म्यादी प्रहरीहरु नेपाल प्रहरीका सहयोगी हुन् । ३०९५ म्यादी प्रहरी भर्ना भएका छन् । नेपाल प्रहरीको संख्या जिल्लामा झण्डै २ हजारको हाराहारीमा छ । थोरै लिमिट कर्मचारी कार्यालयमा राखेर सबैलाई परिचालन गरिएको छ । कतिपय अस्थायी बीटहरु त ताला लगाएरै निर्वाचनमा परिचालन गरिएको छ ।

रुपन्देहीमा गृहमन्त्री स्वयम् चुनावी प्रतिष्पर्धामा हुनुहुन्छ, उहाँ नै प्रतिष्पर्धामा भएपछि प्रहरीले निष्पक्ष काम गर्न सक्दैन भनेर धेरैले शंका गरिरहेका छन्, कसरी लिनुभएको छ ?

शंका गर्नेलाई त के भन्न रोक्न सकिन्छ र, तर नजीजा आएपछि थाहा पाउनुहुन्छ पर्फमेन्स के छ भनेर । मैले यो गरेको छु ऊ गरेको छु भन्नुभन्दा पनि फिल्डमा हेर्नुस् गएर थाहा पाइहाल्नु हुन्छ अवस्थाको बारेमा ।

अन्त्यमा, सुरक्षा प्रमुखको हिसावले आम मतदातालाई भन्नुपर्ने केहि छ ?

सबै मतदाताहरुलाई विनम्र अनुरोध गर्न चाहान्छु, तपाईंहरुको पाँच बर्षपछि मतदानको अवसर आएको छ, गोप्य मतदान हो, रोजेको, चाहेको, मन परेको उमेदवारलाई मतदान गर्नुस् । तपाईंहरुको पूर्ण शान्ति सुरक्षालाई लिएर नेपाल पुलिस मात्रै नभएर हाम्रो पछाडि सशस्त्र प्रहरी छ, त्यसपछाडि नेपाल आर्मी छ, र यसपछि जिल्लाबाट अनुगमन समिति छ, नेपाल प्रहरी मात्र होइन, सशस्त्र र आर्मी समेत निर्वाचनको सुरक्षामा खटिएका छौं । ढुक्क हुन म आग्रह गर्दछु ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार