यस्तो रहयो– दोस्रो मिस्टर उजिरसिह बडिबिल्डिङ प्रतियोगिता (फोटो फिचर) भ्रष्टाचारको मुद्दा दायर भएपछि निलम्बित भए राप्रपाका लुम्बिनी प्रदेशसभा सदस्य यादव अक्सफोर्ड कलेजमा उत्कृष्ट नतिजा ल्याउने विद्यार्थीलाई एक लाख साठी हजारको छात्रवृति रोटरी क्लब अफ तिनाउ बुटवल द्वारा विद्यार्थीहरुलाई शैक्षिक सामग्री वितरण त्रिभुवन युनाइटेडमा फूड फेस्टिबल (तस्विरहरु) बुटवलमा खुल्यो शेरेसको थ्रिएस सुविधा सहितको शोरुम शाईन रेसुङ्गा डेभलपमेन्ट बैंक १६ औं वर्षमा, ६ करोडबाट ६ अर्ब पूग्यो पुँजी गौतम र कार्कीलाई ‘शाइन आर्थिक पत्रकारिता पुरस्कार–२०८०’ अक्सफोर्ड माविमा खाना महोत्सव तथा उद्यमशिलता कार्यक्रम (तस्वीरहरु) सिद्धबाबा सुरुङ मार्गमा धमाधम काम हुँदै, यही गतिमा अघि बढे ४ वर्षमा पुरा हुने                
समाचार :

गौतमबुद्ध विमानस्थलबाट युरेसिया कार्गो कम्पनी द्वारा नेपाली उत्पादन विदेश निकासी सुरु

  • भैरहवा। गौतमबुद्ध अन्तर्राष्ट्रिय विमानस्थलबाट काठमाडौंको युरेसिया एक्सपोर्ट एण्ड कार्गो कम्पनीले पनि नेपाली उत्पादन विदेश निकासी सुरु गरेको छ ।

    यसअघि पहिलोपटक काठमाडौंकै हिमालेक्स ट्रेडर्सले राइजिङ स्टार कार्गो प्रालिमार्फत् नेपाली उत्पादन गौतमबुद्ध विमानस्थल हुँदै विदेश निर्यात सुरु गरेको थियो । गौतमबुद्धबाट विदेश नेपाली उत्पादन निकासी सुरु गर्ने युरेसिया दोस्रो कार्गो कम्पनी हो ।

    युरेसियाले बुधबार विमानस्थलमा आवश्यक सबै प्रक्रिया पूरा गरेर बिहीबार बिहान जजिरा एयरलाइन्समार्फत् दुई टन नेपाली सामान युरोपियन मुलुक पठाउन लागेको हो ।

    युरेसियाका निर्देशक रामकुमार थपलियाले युरोपियन मुलुक डेनमार्क दुई टन नेपाली हेण्डक्राफ्ट, उलन र कटनको सामान निर्यात गर्न लागिएको बताए ।

    ‘सरकारले लगानी गर्यो, निजी क्षेत्रले पनि विमानस्थललाई चलायमान बनाउन केही प्रयास गरौं भनेर कार्गो सुरु गरेका हौं’, थपलियाले भने, ‘आज राजश्व तिर्ने, जाँचपास लगायतका सबै काम सकेका छौं, भोलि (बिहीबार) जजिरा एयरलाइन्समार्फत उक्त सामान विदेश जानेछ ।’

    उनले मुलुकमै दोस्रो अन्तर्राष्ट्रिय विमानस्थल बन्नु सबै नेपालीका लागि खुशीको कुरा भएको जनाउँदै यसलाई चलायमान बनाउन निजी क्षेत्रबाट सक्दो प्रयास गर्ने बताए ।

    पछिल्लो समय विमानस्थल संचालनमा कठिनाई भइरहेको भन्दै आलोचना भएको छ । यस्तो अवस्थामा यहाँबाट व्यवसायीले कार्गो पठाउन सुरु गरेपछि विमानस्थल थप चलयमान हुने अपेक्षा गरिएको छ ।

    थपलियाले आफूहरुको चाहना पश्चिम क्षेत्रको उत्पादन गौतमबुद्ध हुँदै विदेश निर्यात होस् भन्ने रहेको बताए । ‘हामीले लामो समय काठमाडौंबाट कार्गो पठाउने गरेका छौं, यसलाई भैरहवामा पनि केन्द्रित गर्न चाहन्छौं’, उनले भने, ‘यस क्षेत्रका व्यवसायीले पनि गौतमबुद्धलाई अधिकतम प्रयोग गर्न जरुरी छ ।

    उनले विमानस्थलमा सुविधाहरु थपिाँदै गएमा कार्गोलाई निरन्तरता दिने जनाए । ‘अब यहाँबाट पनि निरन्तर कार्गो पठाउन पाइयोस् भन्ने नै हाम्रो चाहना हो’, उनले भने, ‘यसका लागि यस क्षेत्रका व्यवसायीहरु र विमानस्थलसँग समन्वय गर्नेछौं । व्यवसायीलाई प्रोत्साहित गर्नेछौं ।’

    तिनाउ न्युज

    तिनाउ न्युज डटकम बुटवल बाट प्रकाशित हुने अनलाइन पत्रिका हो !

    लेखक बाट थप

    प्रतिक्रिया दिनुहोस !

    सम्बन्धित समाचार