चलचित्र पत्रकार संघ नेपाल, रुपन्देहीले २ वटा पुरस्कार वितरण गर्दै रुपन्देहीमा ६९ हजारभन्दा धेरै बालबालिकालाई पोलियो विरुद्धको खोप लगाइँदै शान्तिपुरमा सञ्चालन गरिएको स्वास्थ्य शिविरमा १७ सयको निःशुल्क उपचार गुल्मीमा बाढीले पुल निर्माणका सामग्रीमा क्षति तराईमा फेरि चल्न थाल्यो तातो हावा गुल्मीमा बस दुर्घटना हुँदा सहचालकको मृत्यु, चालकको अवस्था गम्भीर लुम्बिनीबाट सगरमाथा लगियाे अखण्ड शान्ति दीप चार प्रदेशका पहाडी भेगमा हावाहुरीसहित वर्षाको सम्भावना पोखरादेखि तम्घास आउँदै गरेको बस फलाटेमा दुर्घटनाः १२ जना घाइते परिवारले अन्तेष्टी गरिसकेको शवलाई प्रहरीले ५ दिनपछि कव्रस्तानबाट उत्खनन्                
समाचार :

त्रिभुवन आर्मीले जित्यो सर्वाधिक पदक

नवौं राष्ट्रिय खेलकुदको समापन गरिएको छ। गण्डकी प्रदेशमा असोज २८ देखि औपचारिक रूपमा सुरू गरिएको नवौं राष्ट्रिय खेलकुद बिहीबार पोखरा रंगशालामा समापन गरिएको हो।

प्रधानमन्त्री शेरबहादुर देउवाको उपस्थितिमा भएको समापन समारोहमा कर्णाली प्रदेशमा २०८१ मा हुने दसौं राष्ट्रिय खेलकुदको झन्डा हस्तान्तरण गरियो।

गण्डकी प्रदेशमा भएको नवौं राष्ट्रिय खेलकुदमा ३६ खेलमा प्रतिस्पर्धा भएको थियो। जसमा त्रिभुवन आर्मी क्लबले सर्वाधिक पदक जित्यो। आर्मीले १७२ स्वर्ण, ११० रजत र ८९ कास्य गरी कुल ३७१ पदक जितेको छ।

दोस्रो स्थान एपिएफले ६५ स्वर्ण, ७३ रजत र ८१ कास्य गरी २१९ पदक हात पारेको छ।

तेस्रो स्थानको नेपाल पुलिस क्लबले ६१ स्वर्ण, ६१ रजत र ७३ कास्य गरी कुल १९५ पदक जित्यो।

चौथो बनेको आयोजक गण्डकीले ३२ स्वर्ण, ३१ रजत र ५७ कास्य गरी कुल १२० पदक हात पार्‍यो।

पाँचौं स्थानको बागमती प्रदेशले २४ स्वर्ण, ४७ रजत र ७४ कास्य गरी कुल १४५ पदक जित्न सफल भयो।

छैठौं स्थानमा प्रदेश एक रह्यो। उसले १० स्वर्ण, २३ रजत र ५० कास्य गरी कुल ८३ पदक भित्र्यायो।

सातौं स्थानमा रहेको सुदूरपश्चिमले १० स्वर्ण, १० रजत र ४३ कास्य गरी कुल ६३ पदक जित्न सफल भयो।

एनआरएनए टिम आठौं भयो। उसले १० स्वर्ण, ९ रजत र ७ कास्य गरी कुल २६ पदक हात पार्‍यो।

लुम्बिनी प्रदेश ६ स्वर्ण, २२ रजत र ४० कास्य गरी कुल ६८ पदक जित्दै नवौं स्थानमा रह्यो।

दसौं स्थानको मधेश प्रदेशले ५ स्वर्ण, ८ रजत र २६ कास्य गरी कुल ३९ पदक हात पार्‍यो।

अन्तिम स्थानमा कर्णाली प्रदेश रह्यो। उसले २ स्वर्ण, ४ रजत र १२ कास्य गरी कुल १८ पदक जित्न सफल भयो।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार