हिन्दुहरूको महान चाड बडादसैँको मुख्य दिन विजयादशमी आज देशभर हर्षोल्लासका साथ मनाइएको छ। पञ्चांग निर्णायक समितिले निर्धारण गरेको उत्तम साइत अनुसार आज बिहान ११ बजेर ५३ मिनेटमा मान्यजनबाट टीका, जमरा र आशीर्वाद लिएर विजयादशमीको टीका लगाइएको छ। तर दिनभर नै टीका लगाउन मिल्छ
पवित्र जमराको पहेंलो रङ र रातो टीकाले निधार सजिएका हिन्दु धर्मालम्बीहरू शक्तिस्वरूपा नवदुर्गा भवानीको प्रसाद ग्रहण गर्दै आपसी भेटघाट र खुसीयालीमा रमाइरहेका छन्।
दसैं घर तथा मन्दिरहरूमा नवदुर्गा भवानीको पूजा आराधना गरी टीका प्रसाद ग्रहण गर्ने प्रचलन पनि रहेको छ। मान्यजनले आफ्ना नातागोता र छोराछोरीलाई सुख, शान्ति, समृद्धि, दीर्घायु र सफलताको आशीर्वाद दिएर टीका लगाइदिने गरिन्छ।
