बुटवल-चन्द्रौटा सडक निर्माण गर्न २२ कम्पनीको आवेदन

तिनाउ न्युज

प्रकाशित मिति : बिहिबार, चैत्र १५, २०८०

बुटवल–चन्द्रौटा सडक विस्तार गर्न २२ वटा निर्माण कम्पनी इच्छुक देखिएका छन्

बुटवल– गोरुसिंगे– चन्द्रौटा सडक आयोजनाका अनुसार ५० किलोमिटर सडक विस्तारका लागि पहिलो प्याकेजकोकामका लागि २२ वटा कम्पनीले आवेदन दिएका हुन्।

सार्वजनिक खरिद नियमावली अनुसार ५ अर्ब रुपैयाँसम्मको ठेक्कामा मात्र नेपाली कम्पनीले आवेदन दिन पाउँछन्।त्योभन्दा बढी लागतका ठेक्कामा नेपाली कम्पनीले अन्तराष्ट्रिय कम्पनीसँग ‘जेभी‘का रुपमा सहभागी हुनुपर्छ। विश्वबैंकको ३५ अर्ब रुपैयाँ सहयोगमा सडक विस्तार गर्न लागिएको हो।

सडक विस्तारका लागि विभिन्न कम्पनीले भारत, चीन लगायत देशका कम्पनीसँग मिलेर आवेदन दिएका छन्

आयोजना प्रमुख राधिका प्रजापति श्रेष्ठले पहिलो प्याकेजलाई दुई वटा खण्ड गरेर टेण्डर आह्वान गरेकामा पहिलोखण्डका लागि १२ र दोस्रो खण्डका लागि १० वटा कम्पनीले आवेदन दिएको जानकारी दिइन्। उनका अनुसार अहिलेआवेदक कम्पनीको प्राविधिक प्रस्ताव मूल्यांकन गर्ने काम भइरहेको छ।