पुलको सवैभन्दा नजिकका प्रत्यक्षदर्शी मुसिकोट नगरपालिका–३ का बोम बहादुर कार्कीले कैयौ बृद्धहरु पुलको सपना देखेर मात्रै मरेकाले आफुहरु त जिउँदो हुँदै उपभोग गर्न पाएको बताए । दुई पटक भत्किएपछि पुल बन्ने आशा गुमाएका आफुहरुको सपना पुरा गरेकोमा गोकर्ण बिष्टको प्रसंसा गरे । अर्का स्थानीय पदम बहादुर खत्रीले गोकर्ण बिष्टले हरेक पटक पुल भत्किएका बेला आफुहरुलाई भेटेर पुल बनाएरै छाड्छु भनेर आश्वासन दिएको स्मरण गरे ।
दुई पटक ढलान गरेपछि भत्किएको गुल्मीको बडिगाड खोलाको झँेदी पुल तेस्रो पटकमा बनेको हो । यो पुल २०७३ सालमा जिल्ला प्राविधिक कार्यालय गुल्मीले कार्यान्वयन गरेको थियो । तत्कालिन समयमा पुलको वाइटी जय बुद्ध कन्ट्रक्सन प्रालीले पाँच करोड १७ लाख रुपियाँको लागतमा निर्माण सम्झौता गरेको थियो ।

गुल्मीको मुसिकोट नगरपालिका–३ वडागाउँ र वडा नं ७ वामी जोड्ने झेँदी पुल दुई पटक भत्किएपछि डिजाइननै परिवर्तन गरेर निर्माण गरिएको छ । अहिले निर्माण गरेको स्टिल ट्रस कम्पोजिट ब्रिज हो । अहिले स्विस सरकारको भ्याटसहित पाँच करोड १७ लाख ५० हजार ६६५ रुपियाँको लागतमा जलप कन्ट्रक्सन प्रालिले निर्माणको काम गरेको हो । यो पुल निर्माणको सम्झौता २०७९ बैशाख १८ गते भएको थियो । बडिगाड खोलामा निर्माण भएको झेदी पुलको लम्बाई ५६.३० मिटर रहेको छ ।

पुल निर्माणमा तत्कादिल सांसद गोर्कण बिष्टले निकै चासो दिएका थिए । उनले नागरिकका बिचमा गरेका बाचा पुरा गर्न आफुले निर्माण व्यवसायी, सरकार र दातृ निकायसँग निरन्तर संवाद गरेका कारण पुल सम्पन्न गर्न सकिएको बताए । स्थानीय सरकारका तर्फबाट मुसिकोट नगरपालिकाले अनुगमन तथा सहजीकरण गरिरहेको थियो । मुसिकोट नगरपालिकाका मेयर जीवन खरेलले सवैको चासो, चिन्ता र दौडधुपको कारण तीन÷तीन पटक पुल निर्माण संभव भएको बताए ।