सडक, पुल, खानेपानी आयोजना, विद्युतीकरण, खेलकूद र शिक्षाको योजनाबद्ध विकास योजना कार्यान्वनमा पु¥याउन सफल विष्ट वास्तविकताको रुपमा रुचाउने नेतामा पर्छन । जीवनमा कुनै पनि एउटा कामले पछि पनि सफलताको ढोका खोल्छ भन्ने मान्यता विष्टको जीवनमा पनि लागू हुन्छ । निर्वाचनको सिलसिलामा मतदाताको घरदैलोमा पुग्दा विष्टलाई देखेर खुसी हुन्छन । मतदाताहरुले गरेको माया र सदभाव देखेर विष्ट पनि उत्तिकै खुसी छन् । नेता विष्ट भन्छन्, ‘जिल्लाबासीले मलाई पटक–पटक सांसद र मन्त्री पनि बनाए । म जनताको भरिया हुँ, अब पनि जितेर यहाँका जनताको मुहारमा खुसी ल्याउने मेरो एकमात्र लक्ष्य छ ।’ ‘मेरो क्षेत्रको भौतिकसँगै दीर्घकालीन विकास गर्न म जुट्नेछु । जनताले दिएको मतलाई कहिले खेर जान दिन्नँ ।’

२०५६ देखि संसदीय यात्रा थालेका विष्ट २०६४ को पहिलो निर्वाचनमा भने पराजित हुन पुगे । त्यसपछिका २०७०, २०७४ र २०७९ का तीन निर्वाचन लगातार जितेर हयाट्रिक पनि गरे । सांसद र मन्त्री हुँदा उनले गरेका काम र परिकल्पना र अगाडि बढाएका कामहरुले आजपनि जिल्ला सबैको मनमा बसेका छन ।

देशको स्रोत र साधनका आधारमा गुल्मी क्षेत्र नं २ मा क्रमश पुरा हुँदै गएका छन् । हरेक चुनावमा मतदाताले लेखेरै बुझाउने मागका चाङ हुन्थे । विद्युतीकरण नहुँदा ढलेका पोल र अध्याँरा घरका फोटाहरु होलेर आलोचना हुन्थ्यो । अहिले सवैठाउँमा बिद्युतीकरण भएको छ । त्यो मात्रै नभएर १३२ केभिएको राष्ट्रिय प्रसारण लाइनका दुई सवस्टेशन निर्वाचन क्षेत्रमा छन् । अरु साना बिद्युत सव स्टेशन बनेका छन् । खानेपानी सडक र पुल नहुँदा पनि आलोचनाले सञ्जाल भरिन्थ्यो । खरका छाना हटाउने देशभरमै पहिलो अभियानको घोषणा गर्दा पनि बिष्टको आलोचना गर्ने कैयन थिए ।

अहिले गुल्मी–२ मा खरका छाना भएका घर भेटिदैनन् । मदन भण्डारी राष्ट्रिय राजमार्ग समृद्धिको महत्वपूर्ण आधार हो । गुल्मीको रिडी–तम्घास–सिमलटारी हुँदै सौतामारे पुग्ने राजमार्गले जिल्लाका थुप्रै क्षेत्रीय तथा रणनीति एवंम स्थानीय सडकहरुलाई जोडेको छ । रेसुङ्गा नगरपालिका, धुर्कोट, इस्मा, मालिका र मदाने गाउँपालिका छोएर जाने राजमार्गका कारण यातयातसहित कृषि, उद्योग र व्यवसायमा महत्वपूर्ण टेवा पुगेको इस्मा गाउँपालिका–६ का कृष्णप्रसाद घिमिरेले बताए ।

मदनभण्डारी राजमार्गकै तम्घास–सिमलटारीको चार स्थानमा पुल नहुँदा प्रतिनिधिका हिसाबले गोकर्ण विष्टको निकै आलोचना समेत भए ।

विष्टको निरन्तरको चासोकाबिच पनि निर्माण व्यवसायीले समयमै काम नगर्दा खोलामा नागरिकले सास्ती पाएका थिए । तर, अहिले हुलाके, धनार्जे, फुलबारी र घमिरखोलामा पक्की पुल निर्माण भएका छन् । जसले सिङ्गो गुल्मी– २ र प्युठानका नागरिकहरुलाई यातयातका लागि सहज भएको छ । अहिले बाह्रैमास गाडीहरु सञ्चालन हुने अवस्था बनेको धुर्कोट गाउँपालिका–६ का भरत भण्डारीले बताए । पहिले खोला बढ्दा पार गर्ने उपाय हुन्थेन्, कसैका त ज्यान समेत गएका यी खोलाहरुको निगरन्तरको लगाब र दबाबकाबीच बनेका पक्की पुलहरुले गाउँ र जनताका मनहरु जोड्न सफल छन् ।

बिष्टको निर्वाचन क्षेत्रमा दर्जनौ पक्की तथा झोलुङ्गे पुल निर्माण भएका छन् । हरेक पालिमामा पुल नभएका स्थान छैनन् । पक्की पुल नभएको ठाउँमा झोलुङ्गे पुल छन् । लिफ्ट मार्फत हरेक स्थानीय तहमा एक घर एक धारा अभियानले खानेपानीको पहुँच बृद्धि भएको छ ।

२०५६ सालको निर्वाचनमा बिष्टले निस्तीको पानी इस्मामा खुवाउँछु भन्दा हावा भनेर गिज्याएको इस्मा गाउँपालिका–३ की ६६ बर्षीया देवकला पाण्डेलाई भर्खरै जस्तो लाग्छ । अहिले निस्तीको पानी इस्मालीका धारोमा खस्छ । त्यो पानी प्रयाप्त नहुने ठाउँमा लिफ्ट मार्फत प्रर्याप्त खानेपानी पुराउने काममा बिष्टको ठूलो योगदान रहेको पाण्डेले बताइन । बिष्टले मतदाताहरुकै मागको आधारमा अहिलेका हरेक क्षेत्रका संरचनाहरु निर्माण भइरहेकाले प्रतिपक्षीहरु आत्तिनु नपर्ने बताउछन् ।

बिगतमा मतदाताको पनि भौतिक विकास पहिलो आवश्यकताको रूपमा माग गरेकाले ठूलो मेहेनत र लगानीमा निर्माण भइरहेका सडक, पुल, बिद्युत र खानेपानीहरुको उदाहरण दिदै बिष्टले अव सामाजिक विकासका जोड दिने बताए ।