सिद्धार्थ राजमार्गअन्तर्गत बर्तुङ–दोभान खण्डको केराबारीमा पहिरो खसेपछि शुक्रबार अपराह्न साढे ४ बजेदेखि सडक अवरुद्ध भएको छ।
तिनाउ गाउँपालिका–५, मस्याम केराबारी नजिकै खसेको पहिरोले सडक अवरुद्ध भएको हो । दुई वटा लोडर लगाएर सडक डिभिजन पाल्पाले खुलाउने प्रयास गरे पनि ठूला ढुंगा भेटिएपछि खुलाउन नसकिएको जनाएको छ ।
सडक डिभिजन हेभी इक्वीपमेन्ट बुटवलबाट शनिबार बिहानमात्र ब्रेकर आउने सडक डिभिजनका सूचना अधिकारी इन्जिनियर दुर्गा गौतमले जानकारी दिए ।सडक खुलाउने प्रयास गरे पनि ठूला ढुंगा भेटिएकाले समस्या भएको हो,’ उनले भने, ‘रातिको समयमा सवारी साधन बन्द हुने र त्यसका लागि सुरक्षित स्थानमै सवारी साधन व्यवस्थापन गर्न प्रहरीलाई आग्रह गरिएको छ ।’पहिरोसहित ठूला ढुंगा खसेका कारण सडक आवागमन पूर्णरुपमा बन्द भएको जिल्ला प्रहरी कार्यालय पाल्पाले जनाएको छ ।
