जिल्ला प्रहरी कार्यालय बाँकेका निमित्त प्रहरी प्रबक्ता प्रहरी निरीक्षक यामबहादुर बुढाका अनुसार दुर्घटनामा दुवै मोटरसाइकल चालकको मृत्यु भएको हो।

मृत्यु हुनेमा राप्ती सोनारी गाउँपालिका – ४ का ३७ वर्षीय रामशरण थारु र राप्ती सोनारी – ३ का १९ वर्षीय बसन्त थारु छन्। उनीहरूको उपचारका क्रममा नेपालगञ्जस्थित नर्सिङ होममा मृत्यु भएको हो ।

दुर्घटनामा परी भे १२ प ३९९५ नम्बरको मोटरसाइकलको पछाडि सवार बर्दिया राजापुर – ४ घर भएर हाल राप्तीसोनारी – ४ धामपुरमा बस्दै आएका ३१ वर्षीय अजय दहित घाइते गम्भीर घाइते छन् । उनको नेपालगन्ज उपचार जारी छ ।

त्यस्त भे१२ प ४८२४ नम्बरको मोटरसाइकलमा सवार राप्तीसोनारी – ३ खैरेनीका १६ वर्षीय संगित थारु र राप्ती सोनारी – ३ खैरेनीका २१ वर्षीय संजय थारुपनि घाइते छन् । उनीहरुको अवस्था पनि गम्भीर रहेको प्रहरीले जनाएको छ ।