संस्थाको संयुक्त बैठकमा संस्थाका अध्यक्ष कृष्णप्रसाद अर्यालले यस क्षेत्रका विद्युतिय गाडिका लागि चार्जिङ स्टेशन प्रभावकारी बन्नुका साथै संस्थाका शेयर सदस्यको पुँजी वृद्धि गर्ने बहुउद्देश्य कार्यक्रम सफल भएको बताए ।

उनले विगत दुई महिनादेखि नियमित संचालन भएको स्टेशनबाट ११ लाख ३४ हजार आम्दानी भएको उल्लेख गर्दै दैनिक ५०–६० गाडि स्टेशनमा आउन गरेको बताए ।

शेयर सस्दस्यको पुँजी वृद्धिमा स्टेशन सकारात्मक बनेको भन्दै उनले आगामी दिनमा सदस्यको आय स्तर वृद्धिका लागि डिपाटमेन्टल स्टोर, साना उद्योग लगायतका कार्यक्रमहरुलाई योजनाका रुपमा राखिएको सो अवसरमा जानकारी दिए ।

कार्यक्रममा संस्थाका संरक्षक भुपालकुमार श्रेष्ठ, निर्वतमान अध्यक्ष धुर्वकुमार धिताल, पुर्व अध्यक्ष मित्रबहादुर शाक्य, सल्लाहकार डम्बरदेव अर्याल, दिलबहादुर थापा, प्रकाशबन्दु रेग्मी, लेखा संयोजक लुन्जलाल शाक्य, उपाध्यक्ष माया गौतमलगायतले संस्थाको विकास तथा सदस्यको आर्थिक तथा सामाजिक विकासका लागि योजनावद्ध कार्यक्रम सहकारीमा संचालन गर्नु आवश्यक रहेको बताएका थिए ।

कार्यक्रममा कोषाध्यक्ष कृष्ण अर्यालले आर्थिक प्रतिवेदन प्रस्तुत गर्दै संस्थाको शेयर १० करोड ५३ लाख २२ हजार ४ सय, कुल बचत ४१ करोड २५ लाख ६० हजार, कुल कर्जा ४७ करोड ८५ लाख र गएको आर्थिक वर्षको नाफा एक करोड, २९ लाख २८ हजार रहेको बताए । उनले संस्थालाई शेयर सदस्यमुखी र अझ उत्तरदायि बनाउनका लागि पारदर्शीतालाई जोड दिँदै आयआर्जनका कार्यक्रमलाई प्राथमिकतामा राखेको जानकारी दिए ।

संस्थाका सचिव नरबहादुर रजालीको संचालनमा भएको कार्यक्रममा संस्थाका लेखा तथा मुल्यांकन समिति, शिक्षा समितिलगायतका संस्थाका पदाधिकारी तथा सदस्यहरुको सहभागिता रहेको थियो । संस्थाले आफ्नो आउने बार्षिक साधारण सभा असोजको १९ गते गर्ने निर्णय गरेको संस्थाका ब्यवस्थापक बाबुराम अर्यालले जानकरी दिए ।