विक्री भएको लामो समय सम्म पनि घर भोगचलन गर्न नपाएको भन्दै पिडीत घिमिरेले जिल्ला प्रशासन कार्यालय रुपन्देहीमा गुहार गरेका थिए । रुपन्देही जिल्लाका प्रमुख जिल्ला अधिकारी गणेश अर्यालले कानूनीरुपमा उक्त घर राधादेवी पौडेल(घिमिरे)को नाममा भएको कारण घर विक्रि गर्ने ले तुरन्त खाली गर्नुपर्ने बताएका छन् ।

घर र जग्गा ७ वर्ष अगाडी नै खरिद गरेका पशुपति घिमिरले प्रशासनको सहयोगमा खाली गराउनको लागि माग गर्दै आएका छन् । जिल्ला अदालत रुपन्देही र उच्च अदालत बुटवलले समेत फैसला घिमिरेको नाममा उक्त जग्गा सहितको घर भएको ठहर गरेको छ । विक्री गरेको घर पुनः फिर्ता पाउनुपर्ने माग सहित पुर्व जग्गा धनी श्रेष्ठले अहिले आएर आनावश्यक समुहको साथ लिएर घर खाली गर्नमा अडान गर्दै आएकी छिन् । तिलोत्तमा ३ (साविकको आनन्दवन गाविस–३ ‘ख’) स्थित कित्ता नम्बर ३८६९ मा रहेको १६.७५ क्षेत्रफलको जग्गामा बनेको २ तले घरसहित बिमलाले जग्गाको मूल्य २ करोड ३१ लाख तथा घरको मुल्य १५ लाख गरी २ करोड ४६ लाखमा पशुपतिकी श्रीमति राधादेवी पौडेल (घिमिरे)लाई राजीनामा दिएको मालपोत कार्यालयको काजगातमा देखिन्छ ।

पत्रकार सम्मेलनमा पिडीत घिमिरेले आफुले किनेको घर आफैलाई दिनु पर्ने माग गरेका छन् ।उनले सबै प्रकृया पुर्याएर सहमतिमै घर जग्गा खरिद गरेको उल्लेख गर्दै गर्दै कानूनी रुपमा पनि उक्त घर आफ्नो भएकोले घर खाली गरिदिन श्रेष्ठ संग आग्रह गरेका छन् ।आफुले किनेको घर आफ्नै भएकाले यहि भदौ १५ गते घर सर्ने कार्यक्रम रहेको समेत जानकारी दिए ।