बुटवल । देवदह नगरपालिका–५, वडा कार्यालयले फोहोर बर्गीकरण अभियान शुरु गरेको छ ।
डम्पिङ्ग साईडमा फोहोर व्यवस्थापन गर्नको लागि कुहिने र नकुहिने फोहोरलाई बर्गीकरण गर्ने अभियान शुरु गरेको हो ।
वडा भित्रको प्रत्येक टोलमा फोहोर बर्गीकरण गर्ने अभियान संचालन गरेको र बर्गीकरण गरेपछि मात्र फोहोर उठाउने वडाअध्यक्ष एवं नगर प्रवक्ता गणेश डुम्रेले जानकारी दिए ।
फोहोर बर्गीकरण नगर्दा धेरै समस्या आएको भन्दै प्रत्येक टोलमा पुगेर फोहोर बर्गीकरण गर्ने अभियान संचालन गरेको बताए ।
देवदह नगरपालिकाले बुद्ध सामुदायिक वन क्षेत्रमा डम्पिङ्ग निर्माण गरी फोहोर व्यवस्थापन गर्दै आएको थियो । देवदह नगरपालिकाले डम्पिङ्ग साईडमा फोहोर व्यवस्थापन गर्दा दुर्गन्धीत फैलिएको भन्दै बुद्ध सामुदायिक वन उपभोक्ता समुहले विगत एक महिनादेखि डम्पिङ्ग साईडमा फोहोर फाल्न रोक लगाएको छ ।
फोहोरलाई बर्गीकरण गरेपछि मात्र देवदह नगरपालिकाले संचालन गरेको डम्पिङ्ग साईडमा फाल्न दिने सहमति अनुसार फोहोर बर्गीकरणको अभियान शुरुवात गरेको हो । फोहोर बर्गीकरण नगर्दा डम्पिङ्ग साईडमा फोहोर व्यवस्थापन गर्न असहज भएकोले गाउ÷टोलमा फोहोर बर्गीकरण गर्ने गरी अभियान संचालन गरिएको वडाअध्यक्ष डुम्रेले जानकारी दिए।
नगरपालिकाले बर्गीकरण नगर्दा सम्म घर÷घरबाट फोहोर नउठाउने निर्णय गरेसंगै फोहोर बर्गीकरण सम्वन्धी आमनागरिकलाई सचेतना जगाउनको लागि अभियान संचालन गरेको डुम्रेले बताए ।
पहिलो चरणमा प्रत्येक टोलमा पुगेर फोहोर बर्गीकरण संगै कुहिने फोहोर र नकुहिने फोहोरलाई कसरी व्यवस्थापन गर्ने भन्ने विषय आमनागरिकलाई जानकारी दिने गरी अभियान संचालन गरेको डुम्रेले बताए ।
देवदहको खैरेनी चोक देखि शुरु गरिएको फोहोर बर्गीकरणको अभियान गोठीडी मार्ग, सिद्धार्थकलोनी, दुर्गानगर, बैकुण्ठनगर, दुर्गानगर, नमुना हरियाली टोलमा फोहोर बर्गीकरण गरिएको र वाकी रहेको टोलहरुमा निरन्तरण रुपमा अभियान संचालन गर्ने बताऐ ।
फोहोरलाई घरमै व्यवस्थित गर्न सके फोहोरलाई मोहरमा परिणत गर्न सकिने भएकोले अभियान संचालन गरिएको उनले बताए ।
फोहोर बर्गीकरण अभियानमा देवदह नगरपालिकाका उपप्रमुख विद्यालक्ष्मी गुरुङ्ग, प्रमुख प्रशासकीय अधिकृत कृष्णप्रसाद सापकोटा, नगर प्रवक्ता गणेश डुम्रे, जनप्रतिनिधि, टोल विकास संस्थाका प्रतिनिधि, स्वास्थ्यकर्मी, विद्यार्थी तथा आमनागरिकको सहभागिता रहेको थियो ।
