गएराति करिब साढे आठ बजे राप्तीसोनारीको विनौनामा वलीको समूहले सन्दिप विष्ट र सुलभ मल्ललाई खुकुरी हानेको बाँके प्रहरीको जनाएको छ। खुकुरी प्रहारबाट गम्भीर घाइते भएका विष्ट र मल्ललाई थप उपचारका लागि भारतको लखनऊ लगिएको छ।

स्रोतका अनुसार वली समूहको समिर विष्ट समूहसँग लामो समयदेखि रिसिइबी थियो। अहिले वली समूहले खुकुरी हानेका सन्दिप समिरका भाइ हुन्। पहिले वली र समिर एउटै समूहमा थिए। समिर छुट्टिएपछि दुईका बीचमा दुश्मनी भएको थियो। केही महिना अघि युवा संघले बाँकेको कम्दीमा कार्यक्रम गरेर फर्किने क्रममा विष्टको समूहले ढुंगा हानेको युवाले आरोप लगाएर केही दिन आन्दोलन नै गरेको थियो।

एउटै समूहमा रहेका वली र समिर छुट्टिएपछि उनीहरूबीच टकराब बढेको हो। एमालेमा रहेका समिर वली समूहबाट छुट्टिएपछि कांग्रेसतर्फ लागेको बताइएको छ।

एमालेको नेपालगञ्जमा भएको एउटा कार्यक्रममा डन चक्रे मिलन आउँदा वलीलगायतका युवा उनको वरिपरी देखिएका थिए। लफडा गर्नेहरू नदीजन्य पदार्थको कारोबारमा संलग्न रहेको पाइन्छ।