बुटवल । मोतिपुर खानेपानी उपभोक्ता तथा सरसफाइ संस्था बुटवल–१९ मा अनियमितता भएको आरोप लगाउदै केही उपभोक्ता र स्थानीयले अध्यक्षको राजीनामा माग गरेका छन् । कार्यसमिति सदस्य, कोषाध्यक्ष र सचेत नागरिकले अध्यक्ष जंगबहादुर खत्री र केही कर्मचारीले संस्थाको हितबिपरीत जानकारी विपरीत लाखौं मूल्यका खानेपानीका सामग्री गरिएको भन्दै नैतिकताका आधारमा अध्यक्षको पद छाडन आग्रह गरेका हुन् । उनीहरुले अध्यक्षको कार्यकक्षमा तालाबन्दी गरी नाराबाजी समेत गरेका छन ।
संस्थाका कार्यसमिति सदस्य केशवबहादुर कुँवरले कोटेसन बिना गएको जेठमा अध्यक्षले संस्थालाई आवश्यकभन्दा धेरै खानेपानीका सामान किन्दा अनियमितताको आशंका देखिएकोले राजीनामा दिन आग्रह गरे । १८ लाख ९१ हजार ५०३ रुपैयाँको सामान किनेको बताइएको छ । कोटेसन नमागी, कार्यसमितिमा जानकारी नदिई सामान किन्नु गलत मनसाय देखिएको कुँवरको भनाइ छ । खानेपानीमा ४ हजार ५०० उपभोक्ता रहेका छन् । यो खानेपानीका बुटवल १७, १८ र १९ नम्बर वाडका बासिन्दा छन ।
सचेत नागरिक समितिका उपाध्यक्ष श्याम विश्वकर्माले आफ्नो लाभका लागि संस्थाको दुरुपयोग गर्ने काम स्वीकार्य नहुने बताए । संस्थाका कोषाध्यक्ष कृष्णबहादुर नेपालीले किनेर चेकमा हस्ताक्षर गर्ने बेलामा आफूलाई बल्ल जानकारी पाएको बताए । माओवादीका नेता भीमलाल तिवारीले नैतिकताका आधारमा अध्यक्षले राजीनामा दिनु उपयुक्त हुने धारणा राखे । संस्थामा ५ करोड रुपैयाँ रहेको बताइएको छ । पछिल्लो समय यस क्षेत्रका धेरै खानी संस्थामा बेतिथि भएका घटनाहरु बाहिरिएका छन् ।
