बुटवल । बुटवलमा छुरा प्रहारबाट एक युवाको मृत्यु भएको छ ।
राष्ट्रिय युवा संघ नेपाल रुपन्देहीका पूर्व सदस्य समेत बुटवल–७, का ३६ वर्षीय युवा रवि थापाको छुरा प्रहारबाट मृत्यु भएको हो ।
छुरा प्रहारबाट घाइते भएका उनको उपचारका क्रममा मंगलबार बिहान मृत्यु भएको थियो ।
गत जेठ २ गते कालिकानगरको एक होटलमा उनी माथी छुरा प्रहार भएको थियो ।
छुरा प्रहार गरेर व्यक्तिको मृत्यु हुँदा समेत प्रहरीले छुरा प्रहार गर्नेलाई खोजविन नगरेको भन्दै युवा संघ जिल्ला रुपन्देहीले प्रहरीलाई ज्ञापनपत्र समेत बुझाएको छ ।
छुरा प्रहार गर्ने व्यक्तिको पहिचान सिसिटिभीबाट हुँदा समेत प्रहरीले खोजविनमा चासो नदिइएकाले ज्ञापनपत्र बुझाइएको युवा संघ रुपन्देहीका अध्यक्ष विकासजंग बस्नेतले जानकारी दिए ।
घटनामा संलग्नलाई कानूनी कारबाहीका लागि प्रहरी समक्ष ध्यानाकर्षण गराइएको युवा संघका जिल्ला अध्यक्ष बस्नेतले बताए । संघले इलाका प्रहरी कार्यालय बुटवलमा ध्यानाकर्षण हो ।
रेष्टुरेण्टमा रहेको सीसीटीभी क्यामेरामा घटनाको विवरण कैद भई अपराधीको पहिचानसमेत खुलिसकेको अवस्थामा पनि हालसम्म उनीहरू पक्राउ नगरिएको युवा संघको आरोप छ ।
प्रहरी अनुसन्धानप्रति पनि प्रश्नचिन्ह खडा हुनेगरी गतिविधि भएकाले प्रहरी कार्यालयमै पुगेर ध्यानाकर्षण गराइएको अध्यक्ष बस्नेतले बताए ।
घटनाका बारेमा अनुसन्धान भइरहेको इलाका प्रहरी कार्यालय, बुटवलका डीएसपी विजयराज पण्डितले बताए ।
दोषीलाई पक्राउ गरी कारबाही गर्न युवा संघले प्रहरीलाई ज्ञापनपत्र समेत बुझाएको छ ।
