नागरिक उड्यन प्राधिकरणका उपमहानिर्देशक जगननाथ निरौलाले टिकट विक्रि कर र इन्धनमा सहुलियतको लागि सञ्चालक समितिबाट निर्णय गरेर मन्त्रीपरिषदमा पठाउने जानकारी दिए। ‘उनीहरुले भैरहवाको लागि काठमाडौँ बराबरको शुल्क लिन भएन भन्ने माग छ। हामीले सञ्चालक समितीबाट प्रसासनिक प्रक्रिया पुरा गरेर मन्त्रीपरिषदमा पठाउँछौं।’ उनले भने ‘गौतमबुद्ध अन्तराष्ट्रिय विमानस्थल राष्ट्रिय गौरवको आयोजना पनि भएको हुनाले नेपाल सरकारबाट सहुलियत सम्बन्धी निर्णय हुन्छ भन्नेमा आशावादी छौं।’

उपमहानिर्देशक निरौलाले सरकारले निर्णय गर्ने वित्तिकै बायुसेवा कम्पनीको सञ्चालन लागतमा कमि आउने र अरु विमान कम्पनी पनि भैरहवामा आकर्षित हुने उल्लेख गरे। गौतम बुद्ध अन्तर्राष्ट्रिय अन्तर्राष्ट्रिय विमानस्थल उद्घाटन भएको दुई वर्ष हुन लाग्दा पनि नियमित सञ्चालन हुन सकेको छैन। २०७९ जेठ २ गते तत्कालिन प्रधानमन्त्री शेरवहादुर देउवाले उद्घाटन गरेसँगै जजिरा एयरवेजले उडान थालेको थियो। केही महिनादेखी उसले उडान रोकेको छ।