पूर्वमै रोकियो मनसुन, अझै केही दिन गर्मी बढ्ने गौतमबुद्ध अन्तर्राष्ट्रिय विमानस्थलमा हवाई सेवा सञ्चालनका लागि चिनियाँ मन्त्रीको ध्यानाकर्षण बुटवलमा बोलेरो जीप दुर्घटनामा ३ जनाको मृत्यु, २ घाइते उफ् गर्मी ! रुपन्देहीको गुरौलीबाट अनुमति बिनै नदीजन्य पदार्थ उत्खनन् ३० लाखको लगानीमा तिलोत्तमामा क्रिकेट खेलाडीको सम्मानमा बन्यो आइटी पार्क (तस्वीरहरु) दाङबाट काठमाडौं जाँदै गरेको बस रूपन्देहीमा दुर्घटना पश्चिम तराईमा तापक्रम ४० डिग्रीभन्दा माथि, मौसम विभागले जारी गर्यो विशेष बुलेटिन भजन प्रतियोगिताको उपाधी बडा नम्बर ५ लाई साउनदेखि बायोमेट्रिक प्रणालीबाट सामाजिक सुरक्षा भत्ता बितरण गर्दै तिलोत्तमा                
समाचार :

गीतकार/संगीतकार जानकी पन्थको नयाँ तीज गीत ‘चाहियो काठमाडौंमा घर’ बजारमा आउँदै

हिन्दु नारीहरुको महान चाँड हरितालिका तीज नजिकिंदै गर्दा तीज सम्बन्धी गीत गाउने गायक गायिकाहरुबीच एल्वम निकाल्ने होडबाजी नै चलेको छ । यसै सन्दर्भमा गीतकार/संगीतकार जानकी पन्थले नयाँ तीज गीतको संगालो ‘चाहियो काठमाडौंमा घर’ बजारमा ल्याउने तयारी गर्दैछिन् ।

केही पृथक र सबैले भोगेको साझा समस्यालाई जानकीले गीतमा ढाल्ने प्रयास गरेकी छन् । पहाडतिरबाट मानिसहरु अवसर खोज्दै काठमाडौंलगायतका सहरमा भौतारिनुपरेको, जसका कारण गाउँको विकास समेत पछाडि परेको, नागरिकले समेत अवसर नपाएको जस्ता विषयलाई उजागर गरेर उनले आफ्नै गाउँ फर्कनुपर्छ भन्ने सन्देश गीतमार्फत दिएकी छन् ।

भदौ १ गतेदेखि बजारमा आउने भनिएको गीतको अडियो भिडियो निर्माण कार्य यही साउन २८ गते हुने गायीका पन्थले जानकारी दिइन् । गीतको रेकर्डिङ काठमाडौंको म्यूजिक नेपालमा गरिएको छ । गीतमा शब्द÷संगीत जानकी पन्थको रहेको छ भने संगीत संयोजन महेन्द्र भण्डारीले गरेका छन् । अस्मिता अधिकारी र आलिफ खानको स्वर रहेको गीतमा कलाकार अनु साह, यशराजका साथै बालकलाकार आदित्य र हृदयाले अभिनय गरेका छन् । आदित्य र हृदयाले यही गीतबाट डेब्यु गरेका हुन् । बालकलाकार हृदया जानकी पन्थकी छोरी हुन् भने आदित्य म्यूजिक नेपालका लेखा अधिकृत यादव बरालका छोरा हुन् । गीतको छायाँकन टिकाथली, ललितपुर÷सुकेधारामा हुँदैछ । भिडियोको निर्देशन सुव्रत आचार्यले गर्दैछन् ।

गीतकार संगीतकार हुँदै गायिकाको समेत परिचय बनाएकी जानकी पन्थले गीतको निर्माण, निर्देशन, मोडलिङ समेत गरी ६ वटा क्षेत्रमा अगाडि बढी अलराउन्डरको परिचय दिएकी छन् । ‘हेर्दा हेर्दै यसपालीको तीज पनि आएछ, हाम्रो माया बसेको नी चार वर्ष लाएछ, चन्चल भो मन जब तनमा, वैश चढ्दै गयो भन्छन् अब घरमा, ज्वाई खोज्ने बेला भयो…’ तीजको एल्वम उनले यसअघि नै निकालिसकेकी छन् ।

त्यस अगाडि जानकीले २०६५ सालमा निकालिएको ओए बुढा, २०६६ सालमा निकालिएको पल्लाघरे लाहुरेले लान्छ अरे बाई र २०६७ सालमा बबाल तीज गरी ३ ओटा तीज एल्बम हल्ला चल्छ चलिरहन देउ, २०६६ लोकदोहोरी एल्बम, संघार २०६८ तथा जीत २०७० समेत उनले आफ्नै एकल शब्द र संगीतमा एल्बम निकालिसकेकी छन् । कतिपय गीतमा उनले अभिनय समेत गरेकी छन् । आफ्नो क्षमताको पनि परीक्षण गरौँ भनेर आफैले निर्देशन गर्न शुरू गरेको जानकी बताउँछिन् । अहिलेसम्म एकसय भन्दा बढी गीत आफूले रचना गरिसकेको उनले बताइन् ।

स्वर्गीय मामा लक्ष्मीनाथ अधिकारीको हौसलाबाट कविता र गजलहरु लेख्न सिकेकी पन्थ आफुलाई गीतकार भनेर अरुले चिन्न थालिसकेपछि मात्र यो क्षेत्रम प्रवेश गरेको अनुभुति भएको बताउँछिन् । जानकी पन्थले चलचित्रमा लेखेका गीत पनि लोकप्रिय भएका छन् चलचित्र जिन्दगानी दर्पण छायाँको शीर्ष गीत उनको पहिलो रेकर्डेड गीत हो । ‘यो क्षेत्रमा लागे पछि धेरै माया गर्ने श्रोता र दर्शक पाएकाले थप उर्जा प्रदान गरी हौंसला मिलेको छ ’ जानकी भन्छिन् ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार