शुक्रवार बाट रिलिज भएको सौरभ चौधरी निर्देशित चलचित्र ‘अगस्त्य’को प्रतिक्रिया बुझ्न अहिले सौगात हलहलमा दर्शक भेट्न पुगेका छन्।
रिलिज संगै राम्रो प्रतिक्रिया आएको फिल्म अगत्स्यका दर्शक भेट्न काठमाडौँ संगै पोखरा र बुटवल पुगेका सिनेमाका मुख्य कलाकार सौगात मल्लले स्थानीय दर्शकसँग भेटेर फिल्मको प्रतिक्रिया लिएका छन्। सामाजिक कथाभित्रको एक्सन सस्पेन्स र थ्रिलर फिल्म अगत्स्यलाई दर्शकले फिल्म राम्रो बनेको प्रतिक्रिया दिएका थिए।
उनी अहिले दर्शक भेट्न तराई क्षेत्रमा केन्द्रित छन् । तराईको भू–भागसँगै हरेक नेपालीले हेर्नैपर्ने कथामा चलचित्र बनेको भन्दै उनले अगत्स्यले नेपालीको सामाजिक र मानसिक तवरबाट समग्र कथा भन्ने बताए ।अगस्त्यमा खलनायकको भूमिकामा देखिएका बेन बस्नेत संगै हिडेका सौगातले दर्शकले पछिल्लो दिनमा दिएको राम्रो प्रतिक्रियाले आफुलाई झन् उत्साहित बनाएको र फिल्मले पनि राम्रो अकुपेन्सी गरेको बताए।
फिल्ममा मानसिक सन्तुलन बिग्रिएका युवकको भूमिका मा देखिएका सौगात बास्तवमा प्रहरी अनुसन्धानको एउटा खरो पाटो बनेका छन्। सस्पेन्समै च्याप्टर २ लाई जिम्मा लगाएका उनले फिल्मको उत्कृस्ट प्रतिक्रियाले फिल्म अझै उचाईमा पुगेको बताए।
चलचित्रमा सौगात र प्रमोदका साथै नाजिर हुसेन, मलिका महत, निश्चल बस्नेत, बेन बस्नेत, विजय बराल, रवीन्द्र झा, शिशिर बाङ्देल, सिम्रन खड्का लगायत कलाकारको अभिनय छ ।चलचित्रमा निर्देशक चौधरी स्वयंले कथा लेखेका छन् ।
