बागेश्वरी कला केन्द्र तथा संगीत एकेडेमी २५ औं वर्षमा देवशिद्ध खानेपानी तथा सरसफाई उपभोक्ता संस्था द्वारा सार्वजनिक शौचालय र धारा निर्माण भैरहवाको ‘सिद्धार्थ भिलासा’लाई ‘पाँच तारे होटल’को मान्यता पाल्पामा १९ वर्षीया पद्मा सुनारकाे हत्या गर्ने सार्वजनिक जमुनाह नाकामा रहेको अध्यागमन कार्यालय करिब तीन वर्षदेखि कामविहीन एमाले रुपन्देहीको अधिवेशन जेठमा नुहाउन गएकी प‌द्माको छिमेकीबाटै हत्या, सागरको घरमा भेटियो रगत लतपतिएको खुर्पा र किशोरीको मोबाइल लुम्बिनी वल्र्ड स्कुलले असल अभिभाकत्व र तनाव व्यवस्थापन तालिम आयोजना गर्दै लुम्बिनी प्रादेशिक अस्पतालमा निसन्तान दम्पत्तिका लागि ‘आइयुआई’ सेवा सुरु ड्रिम युनिक रुपन्देही सुपरलिग: डिभिजन ‘ए’काे पहिलाे खेलमा सैनामैना विजयी                
समाचार :

जजिराको भैरहवामा पुन उडानः ६६ यात्रु लिएर आयो ९९ यात्रु लगेर गयो

बुटवल । गत पुस महिनादेखि उडान स्थगित गरेको जजिरा एयरलाईन्सले विहिबार देखि पुनः गौतमबुद्ध अन्तर्राष्ट्रिय विमानस्थलबाट उडान सुरु गरेको छ ।

बाक्लो हुस्सुको कारण विमानस्थलबाट उडान तथा अवतरणमा समस्या भएको भन्दै जजिराले गत पुस ६ गतेदेखि उडान स्थगित गरेको थियो । मौसममा सुधार आउने वित्तिकै उडान सूचारु गर्ने जनाएको जजिराले विहिबार देखि मात्रै उडान शुरु गरेको हो । यसअघि फेबु्रअरी २ तारिखदेखि उडान सुरु गर्ने आश्वासन दिए पनि उडान भएको थिएन ।

विहिबार विहान कुबेतबाट ६६ जना यात्रु लिएर आएको जजिराको विमानले ८ बजेर ५ मिनेटमा ९९ जना यात्रु लिएर उडान भरेको विमानस्थल प्राधिकरणले जनाएको छ । विमानस्थलका अनुसार जजिराले अब हप्तामा तीन दिन मंगलबार, बिहीबार र शनिबार नियमित उडान गर्ने छ ।

अन्तर्राष्ट्रिय विमानस्थल निर्माण सम्पन्न भई गत जेठ २ गते गरिएको उद्घाटनसंगै जजिराले हप्ताको तिनदिन नियमित उडान गर्दै आएको थियो । अन्तर्राष्ट्रिय उडान रोकिन पुग्दा विमानस्थललाई लक्षित गरेर संचालन गरिएका होटेल लगायत पर्यटन व्यवसायीहरु चिन्तित बनेका थिए ।

विमानस्थल निर्माणसंगै भैरहवा लुम्बिनी आसपासमा पर्यटन क्षेत्रमा मात्र ३० अर्ब बढी लगानी भएको छ । यहां मध्यमस्तरका होटलसंगै चार तारे र पांच तारे होटलहरु बनिरहेका छन् ।

जजिरा एयरले उडान शुरु गरेपनिसरकारी स्वामित्वको नेपाल एयरलाइन्सले उडान नगरेको भन्दै यहांका व्यवसायीहरुले नेपाल एयरलाईन्सले पनि उडान गर्नुपर्ने माग गर्दै आएका छन् ।

त्रिभुवन अन्तर्राष्ट्रिय विमानस्थलको विकल्पका रुपमा सञ्चालन गरिएको यो विमानस्थलमा दैनिक ३० देखि ४० वटासम्म उडान गर्न सकिने क्षमता छ ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार