मिरा कोष द्वारा लुम्बिनी प्रादेशिक अस्पतालमा खानेपानी र फलफुल वितरण (तस्वीरहरु) लुम्बिनीलाई खतराको सूचीमा नराख्न पहल आज पनि देशका धेरैजसो स्थानमा पानी पर्ने सम्भावना बुटवल हस्पिटल प्रालिमा यस क्षेत्रमै पहिलो पटक एकै पटकमा दुवै घुँडाको प्रत्यारोपण ज्यामिरे गाउंमा बिजुली बत्ति पुगेपछि स्थानीय खुसी प्रसिद्ध भारतिय तिर्थस्थल ‘अक्षरधाम’को जस्तै म्युजिकल वाटर फाउण्टेन कुञ्जपार्कमा बन्दै अक्सफोर्ड माविमा नुमना निर्वाचन कार्यक्रम सम्पन्न यी प्रदेशमा आज चट्याङसहित वर्षाको सम्भावना नारायणगढ–बुटवल सडक: दाउन्ने क्षेत्रमा काम केन्द्रित लुम्बिनीको नीति तथा कार्यक्रम : नारैनारामा जेलिएको महत्कांक्षी योजना, के-के छन् प्राथमिकतामा ?                
समाचार :

साई ग्लोबल कपः उपाधिका लागि काशी र न्यु होराइजन भिड्ने

 

भैरहवा ।

अन्तरकलेज जिल्लास्तरीय ‘साई ग्लोबल कप–२०७९’ टी–२० क्रिकेट प्रतियोगिता अन्तर्गत शुक्रबार भएको अन्तिम सेमिफाइनल खेलमा विजयी हुँदै काशी नोबल एकेडेमी फाइनल प्रवेश गरेको छ । काशीले साई ग्लोबल एकेडेमी ‘बी’ टिमलाई ७ विकेटले पराजित गर्दै फाइनल यात्रा पक्का गरेको हो । बिहीबार भएको पहिलो सेमिफाइनल खेलमा न्यु होराइजन कलेजले शान्ति नमूना उच्च माविलाई फराकिलो अन्तरले पराजित गर्दै फाइनल प्रवेश गरेको थियो । अब, काशी र न्यु होराइजनबीच आइतबार उपाधिका लागि प्रतिस्पर्धा हुने आयोजक संस्था रुपन्देही क्रिकेट संघले जनाएको छ ।

भैरहवास्थित सिद्धार्थ रंगशालामा भएको अन्तिम सेमिफाइनलमा जितका लागि साई ग्लोबलबाट पाएको ८८ रनको लक्ष्य काशीले १३ ओभर १ बलमा ३ विकेटको नोक्सानीमा पूरा गर्यो । काशीको जितमा ५ चौका र १ छक्काको मद्दतमा प्रज्वल थापाले सर्वाधिक नटआउट ५१ रन बनाए । यस्तै, सिद्धार्थ अधिकारीले ११, शंकर रानाले ९ र सेजाद आलमले नटआउट ८ रनको योगदान दिए । बलिङमा साई ग्लोबलका सामोत पौडेल र मिर्नाल गुरुङले समान १–१ विकेट लिए ।

यसअघि टस जितेर पहिला ब्याटिङ गरेको साई ग्लोबलले निर्धारित २० ओभरको खेलमा सबै विकेट गुमाउँदै ८७ रनको सामान्य योगफल बनाएको थियो । उसका लागि प्रवेश थापाले २९ र मिर्नाल गुरुङले २२ रन बनाए पनि अन्य ब्याट्सम्यानले दोहोरो अंक बटुल्न सकेनन् । बलिङमा उसलाई सस्तैमा रोक्न काशीका शंकर राना, सेजाद आलम, सन्देश जिसी र सुप्रित घिमिरेले समान २–२ तथा सिद्धार्थ अधिकारीले १ विकेट लिए । काशीका प्रज्वल थापा म्यान अफ द म्याचबाट पुरस्कृत भए ।

प्रतियोगिताका बिजेताले ४० हजार रुपैयाँ र ट्रफी तथा उपबिजेताले २० हजार रुपैयाँ र ट्रफी प्राप्त गर्नेछन् । त्यसैगरी म्यान अफ द सिरिजले ५ हजार रुपैयाँ, बेष्ट ब्याटर तथा बेष्ट बलरले जनही २ हजार ५ सय रुपैयाँ प्राप्त गर्नेछन् । यस्तै, प्रतियोगितामा अनुशासित एक टिमलाई समेत पुरस्कृत गरिने आयोजकले जनाएका छन् । प्रतियोगितालाई साई ग्लोबल एकेडेमीले मुख्य प्रायोजन गरेको छ ।

 

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार

साताको चर्चित