लुम्बिनी प्रदेशका मुख्यमन्त्री महरा ‘पर्ख र हेर’ को अवस्थामा ४ प्रदेशमा पानी पर्दै, आज कता-कता होला भारी वर्षा? बबई नदीमाथिको झोलुंगे पुलमा रातभर फस्यो गोरू, १५ घण्टापछि बल्लतल्ल उद्धार बुटवलमा एमाले कार्यकर्ताको हत्या प्रकरणः २ जना पक्राउ लुम्बिनी प्रदेशमा डेंगु सङ्क्रमित बढे २५ लाखको लगानीमा बुटवलमा खुल्यो म्यानुयल मेडिसिन एण्ड रिह्याविलिटेसन सेन्टर गौतमबुद्ध अन्तर्राष्ट्रिय विमानस्थलबाट उडान सुरू जगदम्बा स्टिलमा विद्युत प्राधिकरणले काट्यो लाइन होटल पौवा ग्रुप ‘मिसन १००’ को यात्रामा, सिन्धुलीमा १४ औं शाखा बुद्ध जन्मस्थल लुम्बिनीमा भारतीय पर्यटक बढ्दै                
समाचार :

नेपाल एयरलाइन्सलाई भैरहवा जान अझै समय लाग्ने

नेपाल एयरलाइन्स सोमबारदेखि गौतमबुद्ध अन्तर्राष्ट्रिय विमानस्थल, भैरहवा नजाने भएको छ। एयरलाइन्सलाई त्यहाँ उडान थाल्न अझै केही समय लाग्ने भएको हो।

एयरलाइन्सले यसअघि पुस ४ देखि भैरहवा विमानस्थलमा उडान गर्ने बताएको थियो। दोहा र क्वालालम्पुरबाट भैरहवा हुँदै काठमाडौं उडान गर्ने एयरलाइन्सले बताएको थियो। तर आन्तरिक तयारी बाँकी रहेकाले उडानका लागि अझै समय लाग्ने एयरलाइन्सले बताएको छ।

‘भैरहवा जान केही आन्तरिक तयारी बाँकी छ,’ एयरलाइन्स प्रवक्ता अर्चना खड्काले भनिन्, ‘उक्त विमानस्थलमा जाँदा नाफा र घाटा केकस्तो हुन्छ, त्यसको विश्लेषण गरेर पेस गर्ने र निगमको बोर्ड बैठकले स्वीकृत गरेपछि उडान सुरू गर्ने भनिएको छ।’

प्रवक्ता खड्काका अनुसार नयाँ विमानस्थलमा उडान सुरू गर्दा बोर्ड बैठकले स्वीकृत गर्नुपर्नेछ। यो प्रक्रिया भइरहेकाले केही ढिलाइ हुन सक्ने उनले बताइन्।

‘बोर्डबाट स्वीकृत हुनासाथ केही दिनमै निगमले सूचना निकाल्नेछ र तयारी थाल्नेछ,’ उनले सेतोपाटीसँग भनिन्।

एयरलाइन्सले गौतमबुद्ध अन्तर्राष्ट्रिय विमानस्थलमा उडानका लागि यसअघि नै नेपाल नागरिक उड्डयन प्राधिकरणबाट उडान अनुमति पाइसकेको छ।

प्राधिकरणबाट स्वीकृत तालिकाअनुसार नेपाल एयरलाइन्सको एउटा जहाजले काठमाडौं–दोहा–भैरहवा–काठमाडौं रूटमा उडान गर्नेछ। त्यस्तै अर्को जहाजले काठमाडौं–क्वालालम्पुर–भैरहवा–काठमाडौं रूटमा उडान गर्नेछ।

प्राधिकरणका अनुसार दोहाबाट भैरहवामा आइतबार र मंगलबार गरी साताको दुइटा उडान हुने छन्। त्यस्तै क्वालालम्पुरबाट भैरहवामा हरेक बुधबार (सातामा एक) उडान एउटा हुनेछ। प्राधिकरणले सन् २०२२ डिसेम्बर १९ बाट सन् २०२३ मार्च २५ सम्मका लागि यो तालिका स्वीकृत गरिसकेको छ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार