यस्तो रहयो– दोस्रो मिस्टर उजिरसिह बडिबिल्डिङ प्रतियोगिता (फोटो फिचर) भ्रष्टाचारको मुद्दा दायर भएपछि निलम्बित भए राप्रपाका लुम्बिनी प्रदेशसभा सदस्य यादव अक्सफोर्ड कलेजमा उत्कृष्ट नतिजा ल्याउने विद्यार्थीलाई एक लाख साठी हजारको छात्रवृति रोटरी क्लब अफ तिनाउ बुटवल द्वारा विद्यार्थीहरुलाई शैक्षिक सामग्री वितरण त्रिभुवन युनाइटेडमा फूड फेस्टिबल (तस्विरहरु) बुटवलमा खुल्यो शेरेसको थ्रिएस सुविधा सहितको शोरुम शाईन रेसुङ्गा डेभलपमेन्ट बैंक १६ औं वर्षमा, ६ करोडबाट ६ अर्ब पूग्यो पुँजी गौतम र कार्कीलाई ‘शाइन आर्थिक पत्रकारिता पुरस्कार–२०८०’ अक्सफोर्ड माविमा खाना महोत्सव तथा उद्यमशिलता कार्यक्रम (तस्वीरहरु) सिद्धबाबा सुरुङ मार्गमा धमाधम काम हुँदै, यही गतिमा अघि बढे ४ वर्षमा पुरा हुने                
समाचार :

बुटवलको कालिकामा पौष १ देखि दोस्रो रनिङशिल्ड प्रतियोगिता

कालिका मानवज्ञान माध्यमिक विद्यालयले आफ्नो ६२ औ वार्षिकोत्सव तथा अभिभावक दिवस विविध कार्यक्रम गरी मनाउने भएको छ । पुस १ देखि ७ गतेसम्म हुने सप्ताहब्यापी कार्यक्रम अन्तर्गत जिल्लास्तरीय कालिका रनिङ शिल्ड प्रतियोगिताको दोस्रो संस्करण आयोजना गरिने भएको छ ।

प्रदेश खेलकुद परिषद लुम्बिनीका सदस्य सचिव जयप्रकाश भट्टराईले रनिङ शिल्ड अनावरण गर्दै खेलकुदमा लुम्बिनी प्रदेशमा अझै पनि नीतिगत र संरचनागत अभाव रहेको बताए । खेलकुदलाई हेर्ने दृष्टिकोण परिवर्तन हुन नसकेको उनले दुःखेसो गरे । प्रदेश संरचनामा खेलकुद गतिविधि अघि बढ्न नसकेको भन्दै नीतिगत, खेलकुद क्यालेन्डर, संरचना निर्माण हुन नसक्नु नै मुख्य चुनौती देखिएको उनले बताए ।

खेलकुदलाई पर्यटन ब्यवसायसंग जोडेर अघि बढाउने गरी सरकारको योजना ल्याउनुपर्ने उनले बताए । उमेर समूहको खेलाडी उत्पादनको आधार मानिने विद्यालय, नगर र जिल्लास्तरका प्रतियोगिताको बीचमा समन्वय अभाव देखिएको उनले बताए । अझै पनि प्रदेशभित्र बन्ने पूर्वाधारमा समस्या र कर्मचारी समायोजनको जटिलता रहेको उनले बताए ।

विद्यालय परिसरमा मंगलबार आयोजना गरिएको पत्रकार सम्मेलन तथा शिल्ड अनावरण कार्यक्रममा विद्यालयका प्रधानाध्यापक दिनेश थापाले प्रतियोगिताको सबै तयारी पूरा भएको बताए । वि.सं. २०४६ सालमा नगरस्तरीय रनिङशिल्ड खेलाईएको ईतिहास विद्यालयको रहेको उनले बताए ।

“त्यसपछि २०७८ मा जिल्लास्तरीय रुपमा खेलाउन थालिएको हो”–उनले भने । प्रतियोगितामा २४ स्वर्ण, २४ रजत र २४ कास्य पदक गरी ७२ पदकमा खेलाडीहरुले प्रतिस्पर्धा हुनेछ । प्रतियोगिताको प्रथम, द्वितिय र तृतीय हुने टिमलाई नगद ५० हजार, ३० हजार र २० हजार रुपैया, शिल्ड, मेडल, प्रमाणपत्रबाट पुरस्कृत गरिने छ ।

कार्यक्रममा विद्यालयका निवर्तमान अध्यक्ष होम बहादुर गलामीले शैक्षिकसंगै अन्य गतिविधिमा समेत विद्यालय निरन्तर अघि बढेको बताए । विद्यालयको भवन निर्माणसंगै खेलग्राम अभाव देखिएको उनले बताए । नजिकै सार्वजनिक जग्गामा खेलग्रामको पहल गरेपनि सफल हुन नसकेको उनले बताए ।

कार्यक्रममा बुटवल कालिका कलेजका प्राचार्य घनश्याम पाठक, रुपन्देही जिल्ला खेलकुद विकास समितिका कार्यालय प्रमुख राजेन्द्र श्रेष्ठ, विद्यालयका खेलकुद संयोजक हरिस ओलीले विद्यालयमा शैक्षिकसंगै खेलकुद गतिविधिबाट विद्यार्थीहरुमा सकारात्मक प्रभाव देखिने बताए । प्रतियोगितामा जिल्लाका ४५ वटा विद्यालयका २ हजार ४ सय खेलाडीहरु भाग लिने छन् ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार