रूपन्देहीका युवाले आधुनिक संगीतसहितको तेस्रो म्यूजिक भिडियो सार्वजनिक गरेका छन् । “अहिलेका युवा सचेत छन्, प्रेमका मामलामा परिपक्व पनि छन्, युवावस्थाको प्रेम आकर्षण मात्र होइन” भन्ने सन्देश बोकेको गीतलाई हालै मात्र छायाँकन गरी भिडियो रिलिज गरिएको हो ।
युवा सहित सबैखाले वर्गले सुन्न र सँगै बसेर मनोरञ्जन लिन सकिने भिडियो सहितको यो गीत निर्माणकर्ताको युट्यूब च्यानल Madhu Manjil मार्फत् रिलिज (सार्वजनिक) गरिएको हो ।
मञ्जिल सुवेदीको शब्द, संगीत र गायनमा रहेको गीतमा कमल रानाको संगीत संयोजन रहेको छ ।
यो भिडियोमा मोडलहरू मधुसुदन भट्टराई, युनिषा घिमिरे र मञ्जिल सुवेदीको मुख्य अभिनय रहेको छ भने बालकलाकारहरू स्पन्दन बोहरा, दियान्सा सापकोटा र प्रिनेश बिरकट्टाले अभिनय गरेका छन् । भारतमा २ वर्षसम्म चलचित्र निर्माणसम्बन्धी अनुभव लिएका निर्देशक मृत्युञ्जय गैह्रे (लक्ष्मण) ले गीतको जीवन्तता र भावलाई समेट्नका लागि रूपन्देहीका विभिन्न स्थानमा छायाँकन गरी भिडियो तयार गरिएको जानकारी दिए ।
यो भिडियोको प्रस्तुति बेग्लै खालको आनन्द दिने प्रकारको, शालीन अभिनयसहितको जीवन्त बनेको निर्देशक गैह्रेले दावी गरेका छन् ।
