दुई नम्बरी’का निर्माताले केहीदिन अघि चलचित्रको ५ मिनेटभन्दा बढी दृश्य काँटछाँट गरेको र ध्वनीमा पनि परिवर्तन गरेको बताएका थिए । शुक्रवारदेखि हलमा नयाँ भर्सन प्रदर्शनमा आउने उनको भनाइ थियो । सोही विषयलाई लिएर विकास बोर्डले स्पष्टीकरण सोधेको हो । ‘केन्द्रीय चलचित्र जाँच समितिबाट जाँच पास भएको सो चलचित्रलाई काँटछाँट गरिएको/सम्पादन गरिएको हो वा होइन् ? सो सम्बन्धमा २ दिनभित्र स्पष्ट गरी जानकारी गराउनुहुन अनुरोध छ’ विकास बोर्डले निर्माण कम्पनीलाई पठाएको पत्रमा भनिएको छ ।