माध्यमिक शिक्षा उत्तीर्ण परीक्षा (एसईई) ०७९ मा रुपन्देहीबाट कुनै पनि विद्यार्थीले ४ जिपिए नल्याएको शिक्षा विकास तथा समन्वय ईकाइ रुपन्देहीले जनाएको छ ।
जम्मा १३८ विद्यालयका १७ हजार ९१५ जना विद्यार्थी एसईईमा सहभागि भएकोमा यो बर्ष कुनै पनि विद्यार्थीले ४ जिपिए नल्याएको ईकाइ कार्यालयले जनाएको छ ।
जिल्लामा सवैभन्दा बढि विद्यार्थीले १ दशमलव ६ देखि २ जिपिए भन्दा कम अंक ल्याएका छन् । ३ हजार ३४६ विद्यार्थीले १ दशमलव ६ भन्दा माथी र ३ जिपिए भन्दा कम ल्याएको ईकाइ कार्यालयले जनाएको छ ।
यसैगरी २ दशमलव ४ भन्दा माथी २ दशमलव ८ भन्दा कम ल्याउने विद्यार्थीको संख्या ३ हजार २३७ रहेको छ । यसैगरी २ दशमलव ८ भन्दा माथी ३ दशमलव २ भन्दा कम ल्याउने विद्यार्थीको संख्या जिल्लामा ३ हजार २२४ रहेको छ ।
यसैगरी १ दशमलव २ भन्दा माथी १ दशमलव ६ भन्दा कम ल्याउने विद्यार्थी १ हजार ९९७ रहेका छन् ।
३ दशमलव २ भन्दा माथी ३ दशमलव ६ भन्दा कम जिपिए ल्याउने विद्यार्थी १ हजार ९५८ रहेका छन् । यसैगरी जिल्लामा ३ दशमलव ६ भन्दा माथी ४ जिपिए भन्दा कम ल्याउने विद्यार्थीको संख्या ६१३ रहेको छ । शुन्य दशमलव ८ भन्दा माथी १ दशमलव २ भन्दा कम ल्याउने विद्यार्थीको संख्या जिल्लामा १५८ रहेको छ ।
जिल्लामा यस बर्ष नियमित तर्फ १७ हजार ४७३, प्राविधिक धार तर्फ ४४२ र ग्रडबृद्धि तर्फ ४५५ विद्यार्थी एसईईमा सहभागि भएका थिए ।
