रुपन्देहीको तिलोत्तमास्थित यसोदा फुड्स प्रालिले नेपाली बजारमा ल्याएको ‘करेन्ट’ ब्रान्डको चाउचाउ उत्पादन गर्छ । याे चाउचाउ विदेश पनि निर्यात हुन्छ । २०७४ साल वैशाख २४ गतेदेखि उत्पादन सुरु गरेको यसोदा फुड्सले केही वर्षमै भारत, अस्ट्रेलिया, अमेरिकालगायतका मुलुकहरूमा निर्यात गर्न थालिसकेको छ ।
स्वदेशमै विदेशी स्तरको पिरो चाउचाउ उत्पादन सम्भव छ भन्दै करेन्ट नामबाट चाउचाउ उत्पादन गरेको यस कम्पनीले देशभर प्रत्यक्ष र अप्रत्यक्ष रूपमा लगभग १५ हजार जनालाई रोजगारी पनि दिइरहेको कम्पनीको भनाइ छ ।
त्यस्तै, करेन्टले देशका पाँच जिल्लाका १० हजार किसानलाई समेत बजार दिँदै आएको छ । करेन्टले देशभर करिब ३० हेक्टर जमिनमा अकबरे खुर्सानी खेती गर्नेलगायत मकवानपुरमा प्रयोगमा नआएको जमिनमा खुर्सानी खेतीलाई प्रोत्साहन पनि गरेको छ ।
अन्तर्राष्ट्रिय चाउचाउ बजारमा चिनाउन सफल करेन्टले विदेशी मुद्रा भित्र्याएर देशको आर्थिक विकासमा थोरै भए पनि टेवा पुर्याउन सकेको कम्पनीको भनाइ छ । देशको खस्कँदो अर्थतन्त्रमा निर्यातमार्फत केही हदसम्म सुधार ल्याउँदै करेन्टले आफूजस्ता अन्य स्वदेशी उत्पादकहरूलाई पनि प्रोत्साहन गरिरेहको छ ।
करेन्ट चाउचाउले कसरी सफलता प्राप्त गर्याे याे भिडियाे सामाग्री हेराै
भिडियो साभार – Swagat Gyawali
