बुटवल । रोटरी क्लव अफ बुटवल चौतारीको पाँचौ पदहस्तान्तरण कार्यक्रम सम्पन्न भएको छ । गोरखा जिल्लाको रिभर फन रिसोर्टमा पाँचौ पदहस्तान्तरण तथा फेलोसिप कार्यक्रम भएको हो ।
पद हस्तान्तरण कार्यक्रममा बर्ष ०२२-०२३ का अध्यक्ष रो. सन्तोष के.सी बर्ष ०२३-०२४ का नवनिर्वाचित अध्यक्ष रो. दिनेशमणी सुवेदीलाई पद हस्तान्तरण गरे ।
पद हस्तान्तरण कार्यक्रममा बोल्दै रोटरी क्लव अफ बुटवल चौतारी का सल्लाहकार तथा कार्यक्रम का प्रमुख अतिथि रो. राजेन्द्र ढकाल ले समाज परिवर्तनको संवाहक यस्ता रोटरी क्लवहरु रहेको भन्दै स्वार्थ देखि माथी रहेर सेवाकर्म गर्न आग्रह गरे । उनले शिक्षा, स्वास्थ्य, सरसफाई तथा जनचेतनामुलक कार्यक्रमहरुलाई प्राथमिकतामा राखेर काम गर्न नवनिर्वाचित अध्यक्ष सुवेदीलाई आग्रह गरे । नवनिर्वाचित अध्यक्ष सुवेदीले अबको एक बर्षमा क्लवको आफ्नै भवन निर्माणको थालनी गर्ने, विभिन्न स्वास्थ्य सम्बन्धी शिविर, छात्रबृत्ति वितरण, सहयोग जस्ता कार्यक्रमलाई अगाडि बढाउने प्रतिबद्धता जनाए ।
कार्यक्रममा निवर्तमान अध्यक्ष रो. सन्तोष केसीले एक बर्ष भित्र क्लवले गरेका सामाजिक एवं रचनात्मक कार्यको सविस्तार बर्णन गरेका थिए । साथै उनले आफ्नो कार्यकालमा साथ सहयोग गरि सफल बनाउन लागेका सम्पुर्ण रोटरीयन हरु लाई धन्यवाद व्यक्त गरेका थिए ।
कार्यक्रममा कलब का संस्थापक अध्यक्ष रो.बिष्णु घिमिरे ,राहुल क्षत्री ,अर्जुन ढकाल ,जीवन बुढाथोकी,बिदुर ज्ञवाली लगाएतले बोलेका थिए ।
कार्यक्रम कलब का सचिव रो.बिनोद खातिको सञ्चालनमा सम्पन्न भएको थियो ।
