गत शुक्रबार केन्द्रीय अनुसन्धान ब्युरो (सिआइबी)ले १० जनाविरुद्ध मुद्दा दायर गरेको थियोे ।

भक्तपुरका निक्षेपकर्ताहरूको जाहेरी लिई अनुसन्धान गरेर सरकारी वकिलमार्फत सिआइबीले मुद्दा दायर गरेको हो । भक्तपुरका एक हजार चार सय ३९ जनाले सिआइबीमा जाहेरी दिएका थिए ।

७५ करोड ३२ लाख रुपैयाँको जाहेरी प्रहरीमा परेको छ । यद्यपि, भक्तपुरस्थित केन्द्रीय कार्यालय र शाखा कार्यालयमा सदस्य रहेकाहरूको एक अर्ब ७१ करोड निक्षेप देखिएकाले त्यसलाई समेत मागदाबीका रूपमा अदालतमा मुद्दा दायर गरिएको थियो ।

३५ जिल्लामा शाखा रहेको सो सहकारीले एक लाखभन्दा धेरै सर्वसाधारणको करिब १४ अर्ब रुपैयाँ ठगी गरेको प्रहरीको प्रारम्भिक अनुसन्धानमा खुलेको छ ।