मन्त्री पदबाट राजीनामा दिए पनि सरकारी गाडी प्रयोग गर्दै आएका लुम्बिनी प्रदेश सभा सदस्य चन्द्रकेश गुप्ताले गाडी फिर्ता नगरेको समाचार बाहिरिए संगै गुप्ताले मंगलबार गाडी फिर्ता गरेका छन् ।
मंगलबार विहानै देखि सञ्चार माध्यममा लुम्बिनीमा मन्त्रीबाट राजीनामा दिएको एक महिना बढि हुँदा समेत गुप्ताले गाडी फिर्ता गरेनन् भनि समाचार बाहिरिएको थियो । गुप्ताले मंगलबार दिउँसो मन्त्रालय पुगेर गाडी फिर्ता गरेको मन्त्रालयका सूचना अधिकारी लक्ष्मण ज्ञवालीले जानकारी दिए।
गत माघ २८ गते लुम्बिनीको सामाजिक विकास मन्त्री बनेका गुप्ताले चैत १२ गते राजीनामा दिएका थिए। त्यसपछि उनले सरकारी गाडी भने फिर्ता गरेका थिएनन्।
