लायन्स क्लब अफ बुटवल मेट्रोसिटि तथा अर्घाखाँची जुकेना रुपन्देही सम्पर्क समाजको संयुक्त आयोजनामा अर्घाखाँची शितगंगा वडा न ६ देउरालिमा निशुल्क बृहत् स्वास्थ्य शिविर सम्पन्न भएको छ।
उक्त कार्यक्रमको अध्यक्षता लायन राम बेलबासे र नुमेन्द्र पौडेलले सयुक्त्त रुपमा गरेका थिए ।उक्त शिविर सम्पन्न गर्नका लागि वरिष्ठ फिजिसियन डा. मनोहर जोशी , वरिष्ठ स्त्रीरोग विशेषज्ञ डा. नवीन तिरुवालगायतको टिम साथै लायन्स आँखा अस्पताल बुटबलका बरिष्ठ नेत्र सहायक डा मनोहर न्यौपानेको नेतृत्वको टिमले स्वास्थ्य सेवा प्रदान गरेका थिए ।
उक्त अवसरमा शितगङ्गा नगरपालिका नगर प्रमुख, उप प्रमुख, वडा अध्यक्षहरु स्थानिय स्वास्थ्य संस्थाका प्रमुख तथा सदस्यहरु , लायन्स तथा सम्पर्क समाजका पदाधिकारी तथा सदस्यहरुको उपस्थिति रहेको थियो। उक्त कार्यक्रमको सयोजन सन्जीव सुनारले गरेका थिए ।
सो अवसरमा करिब ६५० स्थानीयले स्वास्थ्य सेवा प्राप्त गरेको मनोज गौतमले जानकारी दिए ।
