कक्षा १२ मा अध्ययनरत विद्यार्थीहरुको बिदाइ तथा कक्षा ११ मा अध्ययनरत विद्यार्थीको स्वागतका लागि आयोजित उक्त कार्यक्रम कक्षा ११ र १२ मा अध्ययनरत विद्यार्थीहरुको आयोजनामा भएको हो । बुटवल अन्तर्राष्ट्रिय सम्मेलन केन्द्रको सभाहलमा सम्पन्न भएको कार्यक्रमको उद्घाटन गर्दै प्रदेश परीक्षा व्यवस्थापन कार्यालय, लुम्बिनीका प्रमुख रमाकान्त तिवारी गरे ।

उद्घाटन गर्दै तिवारीले संस्कार सहितको व्यावहारिक शिक्षा प्रदान गरिरहेको एभरेष्ट देशकै उत्कृष्ट शैक्षिक संस्था रहेको र यसको गरिमालाई सधै उच्च राख्नका लागि विद्यार्थीहरुले अनुशासित भई अध्ययनलाई निरन्तरता दिनुपर्ने विचार व्यक्त गरे ।

कक्षा ११ मा अध्ययनरत छात्र दिपेन पौडेलको अध्यक्षतामा भएको कार्यक्रममा अभिभावक सङ्घ नेपालका केन्द्रीय सदस्य लोकनाथ ज्ञवाली, प्रदेश परीक्षा व्यवस्थापन कार्यालयका अधिकृत बाबुराम भण्डारी बाबुराम भण्डारी, प्राचार्य कृष्ण न्यौपाने, विद्यालय सञ्चालक समितिका अध्यक्ष गमप्रसाद रेश्मी लगायतले कक्षा १२ का विद्यार्थीहरुलाई वार्षिक परीक्षामा सफलताका लागि शुभकामना दिँदै विद्यार्थीलाई शैक्षिक सफलताको शुभकामना दिए । कार्यक्रममा राष्ट्रिय कलाकारहरु नारायण खनाल ‘लेकाली’, नवीन पौडेल, वसन्त श्रेष्ठ लगायतका कलाकारहरुको प्रस्तुति तथा कक्षा ११ र १२ मा अध्ययनरत विद्यार्थीहरुका विविध साँस्कृतिक प्रस्तुतिहरु देखाएको विद्यालयका सहप्रचार्य भिमसेन गौतमले जानकारी दिए । कार्यक्रम विद्यालयका शिक्षक माधव पौडेलको सञ्चालनमा सम्पन्न भएको थियो ।