बुटवल । देशमा भएको राजनीतिक अस्थिरताका कारण यो देशमा ‘केही हुँदैन, सम्भावना नै छैन’ भन्नेहरु धेरै छन् । पढेर पनि पढे अनुरुपको पेशा, रोजगारी नभएपछि केही आयस्रोत भएका युवा पुस्ताको गन्तव्य अहिले पनि जापान, अष्ट्रेलिया, क्यानडा, कोरिया, पोर्चुगल जस्ता देशमा भइरहेको छ ।
मध्यमबर्गका युवापुस्ता जसोतसो परिबारको पेट भर्न र गुजारा चलाउन खाडी मुलुकमा गइरहेका छन् । बढ्दो महंगी, स्रोत साधनको अभाव, कर्मचारी तन्त्रबाट हुने हैरानी, राजनीतिक वितृष्णाले युवा पुस्ताको गन्तव्य विदेश नै हुने गरेको यथार्थ हामी संग छ ।
तर कुनै यस्ता युवा व्यवसाय पनि नेपालमा छन् । जसले करोडौं रुपैयाँ होईन, अर्बौ रुपैयाँ लगानी गरेर नेपालमै भविष्य खोजिरहेका छन् । युवा पुस्ताको गन्तव्य विदेश मात्र होईन, नेपालमा युवाले केही गर्न सकिन्छ भनेर सम्भावनाको बाटो देखाएका छन् । त्यी मध्येका एक हुन, युवा व्यवसायी रुपन्देहीका आवास बञ्जाडे ।
रूपन्देहीको तिलोत्तमा–५ मणिग्राम कफि कम्पनी स्थित २ अर्ब रूपैयाँभन्दा बढी लगानीको ‘एनजी मार्केट’ आवासले चलाएका छन् । हाम्रो समाजको किनमेल गर्ने शैलीलाई आधुनिकता प्रदान गर्ने र छोटो समयमै आवश्यक सामाग्रीको किनमेल गराउन सक्ने गरी उनले यो मार्केट चलाएका हुन ।
‘शहरमा बढ्दो भिड छ । बजारमा पार्किङ छैन् । एउटै सामान एकै स्थानमा नपाउँदा उपभोत्ताले हैरानी खेप्नुपर्ने अवस्थालाई ध्यानमा राखेर एउटै मार्टमा सवै सामानहरुको किनमेल गर्ने योजनाले यो सञ्चालन गरेको हुँ’ २६ बर्षिय बञ्जाडेले भने ।
भारतको बेङ्लुरुबाट व्यवस्थापनमा स्नातकोत्तर गरेका आवासले तिलोत्तमामा एक उत्कृष्ट युवाको सम्भावनालाई देखाएका छन् । ठुलो लगानीको विजनेश हाँक्ने उनको खुवी, आट र शाहस अदभुतपुर्ण छ ।
मार्ट व्यवस्थापन पनि उनकै काधमा छ । आएका ग्राहक संग डिल गर्ने उनको कार्यकुशलता असामान्य छ । मन्द मुस्कान, काम प्रतिको लगाव, मेहनत नै उनको खुवी हो । उनले आफ्नो मार्टमा गुणस्तर र मुल्यलाई मात्र फोकस गरेर काम गरिरहेका छन् ।
अहिले पनि एउटै छाताभित्र सपिङ गर्नेहरुको जमात धेरै छैन् । त्यस्तालाई ‘महल’ के हो ? यसको आवश्यकता किन ? भन्ने प्रश्नको जवाफ उनले आफ्नो कार्यले दिएका छन् । रैथाने बजारमा किनमेल गर्नेहरुलाई समेत सर्वसुलभ मुल्यमा मार्टमा ‘सपिङ’ गराउने बानी उपभोत्तलाई उनले पार्दैछन् ।
‘गुणस्तरप्रति उपभोक्ताको सधैं अविश्वास हुन्छ, त्यसलाई चिर्न सकेपछि ‘सपिङ सेन्टर’को भविष्य मैले उज्ज्वल देख्छु’ उनले भने ।
बुटवल र भैरहवाको बीच शहरमा स्थापना भएको ‘एनजी मार्केट’को भविष्य उनले देखेरै यो अर्वौको आँट उनले गरेका हुन । कालान्तरमा बुटवल, भैरहवा, सैनामैना, देवदह जस्ता शहर एउटै बनेर महानगर बने मध्य भागको यो स्थानको भविष्य अझ माथी उठ्नेछ । त्यसैपनि अहिलेनै बुटवल भैरहवा शहरको रुपमा जोडिएकाले पनि यसको भविष्य रहेको आवास बताउँछन् ।
‘हाम्रो प्रतिस्पर्धा यहाँका ठुला विजनेश घराना संग हो । यो प्रतिस्पर्धाले उपभोत्तालाई फाईदा पुग्ने गरेको छ । हामी उहांहरु संग सामानको मुल्य र गुणस्तरमा प्रतिस्पर्धा गरेका छौ । जसका कारण उपभोत्ताले गुणस्तर सामान सर्व सुलभ मुल्यमा पाइरहनुभएको छ’ उनले भने ।
बहुतले विनाको ‘ह्वाइट हाउस’ आकारको मार्केट आफ्नै स्टाइलमा निर्माण गरिएको छ । ग्राउन्ड फ्लोरमा सबै ‘ग्रोसरी’ उपलब्ध छन । उद्यममा होमिदाका सुरुवाती दिनमा आवासले केही नमिठा अनुभव संगालेको भएपनि अहिले त्यसलाई कामबाट प्रमाणित गरेका छन् ।
सुरुवातमा डर देखाउँनेहरु अहिले आफु बाट सम्भावना देख्ने गरेको उनले बताए ।
गत बैशाख देखि मात्र सञ्चालनमा आएको मार्ट ढाई विगाहा क्षेत्रफलमा रहेको छ । अब छिट्टै नै सलुन, नर्सरी, होलसेल मन्डी, आफ्नै खाद्यान्य प्रशोधन, प्याकेजिङ गर्ने योजना आवासले अघि सारेका छन् ।
अझै पनि स्वच्छ मार्केट भएको धेरै प्रतिस्पर्धाको मार्केट नभएको उनको अनुभव छ । त्यसलै पनि मार्टको भविश्य उज्वल रहेको उनी बताउँछन् ।
यो उद्यममा जोडिन उनका बुवा नारायण बञ्जाडेको ठूलो हात छ । छोराको यो कर्मबाट बुवा नारायण पनि खुसी छन् । नारायण आफु राईस मिल र चिउरा उद्योग चलाउने गर्दथे ।
सस्तोमा गुणस्तरीय सामान ‘एनजी मार्केट’को विशेषता हो । अहिले पनि विशेषतः चाडपर्वको समयमा यस क्षेत्रका उपभोत्ताको किनमेल छिमेकी देश भारतको सुनौलीमा हुन्छ । त्यहाँ पुग्ने उपभोत्तालाई रोक्न सके पनि यस क्षेत्रमा व्यापार प्रबद्र्धनले अझै ठूलो हिस्सा ओगट्न सक्छ ।
‘हाम्रा उपभोत्ता सस्तो भन्दैमा आँखा चिम्म गरेर सामान खरिद गर्ने परिपाटी अहिले पनि छ । भारतमा गएर ल्याउने सामानको गुणस्तर बारे उपभोत्ताले चासो दिदैन् । त्यहि कारण हामीले सस्तो तर गुणस्तरिय सामान उपलब्ध गराउने ध्येय हो’ उनले भने ।
त्यति मात्र होईन, भारतिय बजारमा गर्ने किनमेलबाट प्रति व्यक्ति १० हजारको सामान खरिद गर्दा राज्यलाई ५ हजार घाटा हुने उनी बताउँछन् । ‘सस्तो भन्ने बजारमा हल्ला चलाएका छन् । हामीले ल्याउने सामान भन्सार, भ्याट गरेर ल्याउनुपर्छ । पारीबाट ल्याउँदा भन्सार, भ्याट नर्तिदा सरकारलाई घाटा छ । उपभोत्ताले सस्तो भनेपनि गुणस्तरीय सामान पाउँदैनन’ उनले भने ।
स्नातकोत्तर पूरा गरेपछि उनलाई युरोप, अमेरिका, अस्ट्रेलिया गएर पेशा–व्यवसाय गरेर बस्ने पर्याप्त अवसरहरू भएपनि बञ्जाडेले नेपालमै सम्भावना देखे । ‘अध्ययन गरेका धेरै साथीहरू पनि विदेशतिरै स्थापित भएका छन् । तर म आफ्नै भूमिका केही गरिरहेको छु । यसैमा मलाई खुशी मिलेको छ’ उनले भने ।
सम्पन्न परिबारका आवास आफुले विलासी जीवन र विदेशका सुःख भन्दा पनि आफ्नो देशमै केही गर्ने योजनाले ‘एनजी मार्केट’ सञ्चालनमा ल्याएको बताउँछन् । ‘विदेश के हो भन्ने सवै थाहाँ थियो । ग्रीनकार्डबाटै म युरोप, अमेरिका बस्न बावुवाजेले कमाएको पैसाले पुग्थ्र्यो पनि । तर मैले यहि केही गर्नुपर्छ भन्ने सोचेर ‘एनजी मार्केट’ सञ्चालन गरेको हुँ’ उनले भने ।
‘एनजी मार्केट’ मा रेस्टुरेन्ट, सभा–समारोह र गोष्ठी गर्ने हल, बालबच्चालाई मनोरञ्जन दिने बाल उद्याने छ । फर्निचर शोरूम तथा बिक्री केन्द्र, सैलुन, बुटिक, स्पा समेत एउटै छानामुनि उपलब्ध छ । ‘अग्र्यानिक भेजिटेबल’, गार्मेन्टस, लुगाकपडा, सांस्कृतिक, क्याजूअल कपडा लगायत सबै फेन्सी आइटमको स्टोर समेत राखिएको छ ।
आवासका बाबा नारायणले अहिलेको आर्थिक क्राइसिसमा गुणात्मक रुपमा ‘एनजी मार्केट’ फलो हुन नसकेपनि यसले सम्भावना भने देखाएको बताए ।
‘सवै तिर आर्थिक अवस्थाका कारण संकटपूर्ण छ । यस्तो अवस्थामा पनि ‘एनजी मार्केट’मा आउने उपभोत्ताको संख्या केही घटेपनि निराशा मान्नुपर्ने अवस्था छैन’ उनले भने ।
उपभोत्तालाई आर्कषिर्त गर्ने नौलो शैली
उपभोत्तालाई आर्कषित गर्न मार्टले नौलो शैली अपनाएको छ । नेपालमै सवैभन्दा सस्तो र गुणस्तरिय सामान खरिद गर्ने महोत्सव उसले यहि चैत १ गते बाट सुरु गरेको छ । ०८० को हरिबोधोनी एकादशी (तुलसी विवाहको दिन) भित्र १० बराबरको खाद्यान्य (ग्रोसरी) सामाग्री र ५ हजार बराबरको लुगा, जुत्ता, सामाग्री खरिद गर्नेहरु यो महोत्सवमा सहभागि पाउँनेछन् । त्यस बाहेक एनजी रेष्टुरेन्टमै एकै पटक ५ हजार सम्मको खानपिन गर्ने एउटा विल पनि महोत्सवमा पर्नेछ । सो मुल्य बराबरको कुपनलाई लक्की ड्र गर्ने र त्यसबाट कुल १ हजार जनालाई उपहार योजना मार्टले लिएको छ ।
पहिलो एउटा २ तले घर एकजनालाई, १ जनालाई बुलेट बाईक, १ जनालाई स्कुटर, १५ जनालाई एसी, १५ जनालाई फ्रिज, १५ जनालाई वासिंग मेसिन, २५ जनलाई ५५ ईन्चको टिभी, १२५ जनालाई राईस कुक्कर र ८०१ जनालाई आईरन दिईने बताइएको छ । यो योजनामा एनजी मार्टका कर्मचारी र प्रोपाईटर सहभागि भने नहुने बञ्जाडेले बताए । हाल मार्टमा ७५ जना कर्मचारी रहेका छन् ।