बुटवल । सिद्धबाबा क्षेत्रमा निर्माण गर्न लागिएको सुरुङ मार्गको कारण तिनाउ गाउंपालिका वडा नं. ३ मा रहेको सिद्धबाबा मन्दिर अनेत्र स्थान्तरण गर्नुपर्ने भएको छ ।
विगत लामो समय देखि मन्दिर स्थानान्तरणको कुरा चलेपनि यसको गुरुयोजना निर्माण नभएको कारण मन्दिर स्थान्तरणको काम अगाडी बढ्न सकेको छैन् । सिद्धबाबा मन्दिरविकास समितिका अध्यक्ष सन्तोष कुमार शेचरनका अनुसार मन्दिरको गुरुयोजना निर्माण गरी मन्दिर स्थानान्तरण गर्ने योजना रहेको बताए ।
सिद्धबाबा सुरुङ निर्माण आयोजनाले हाल मन्दीरको देब्र्रे पट्टी निर्माण गरी धर्मशाला सहितका व्यवसायीक सटर हटाउनको लागि पत्राचार समेत गरिसकेको उनको भनाई रहेको छ ।
सुरुङ मार्ग सुरुवात हुने विन्दुबाट सवारी साधान आगमनलाई डाईभर्ट गर्नको लागि राजमार्ग को बायां स्थानमा रहेका व्यवसायीक सटर सहित धर्मशाला समेत हटाउनुपर्ने अवस्थामा आएको अध्यक्ष शेरचनले बताए ।
मन्दिरको स्थापनाको लागि हाल सिद्धबाबा मन्दिररहेको स्थान देखि केही सय मिटर पुर्व पट्टी रहेको जंगलमा केही सम्म परेको स्थान समेत पहिचान गरिएको छ ।
जहां पहिरो जाने संभावना कम रहेको कारण त्यहां मन्दिरस्थापना गर्न सकिने प्रारम्भीक आंकलन गरिएको छ । यद्यपी मन्दीरको गुरुयोजना निर्माण गरी कुन मन्दिर कहां बनाउने, कस्तो बनाउने, भन्ने विषयमा विस्तृत छलफल हुन बांकी रहेको अध्यक्ष शेरचनको भनाई रहेको छ ।
यस क्षेत्रकै पुरानो मन्दीरको रुपमा रहेको सिद्धबाबा मन्दिर सडक स्तरउन्नती संगै निर्माण हुन लागेको सुरुङ मार्गले थप संकटमा पारेको छ ।
पहिलो चरणमा मन्दीरको धर्मशाला हटाउनुपर्ने सर्त राखेको सुरुङमार्ग निर्माण आयोजनाले निकट भविश्यमा सडक विस्तार संगै मन्दिरपनि सार्नुपर्ने प्रारम्भीक जनाउ दिएको छ । मन्दीरको गुरुयोजना निर्माणको लागि समेत धेरै बजेट लाग्ने भएको कारण त्यसको प्रबन्ध गर्नका लागि विभिन्न निकाय संग सहकार्य संमन्वय भैरहेको मन्दिर विकास समितिका सचिव अरविन्द्र पाण्डेयले बताए । उनका अनुसार प्रदेश सरकार, संघीय सरकार स्थानीय तिनाउ गाउंपालिकालाई यो विषयमा पटक पटक आग्रह गरिएको हो ।
