बुटवल। रुपन्देहीको तिलोत्तमा शंकनगरमा रहेको न्यु लाइट कलेजमा पुरस्कार वितरण, खाना महोत्सव , खुला नृत्य प्रतियोगिता तथा छात्रवृति वितरण कार्यक्रम भएको छ ।

शनिबार एक कार्यक्रमको आयोजना गरि कलेजका विद्यार्थीले खाना महोत्सव र विविध साहित्यका एवम् सांस्कृतिक प्रदर्शन गरेका थिए भने वकलेजले पुरस्कार वितरण तथा छात्रवृति वितरण कार्यक्रम गरेको हो ।

कार्यक्रममा कलेजले कक्षा ११ , १२ तथा स्नातकतहमा अध्ययन गर्ने गरिव तथा जेहन्दार १६ जना विद्यार्थीहरुलाईछात्रवृति तथा उत्कृष्ट नतिजा ल्याउने विद्यार्थीलाई पुरस्कार वितरण गरेको छ ।

कलेज ब्यवस्थापन समितिका अध्यक्ष धर्मराज पौड्यालको अध्यक्षतामा भएको कार्यक्रममा विद्यार्थीलाई पुरस्कार तथाछात्रवृति वितरण गर्दै संघीय सांसद बासुदेव घिमिरेले डिजिटल युग अनुसारको शैक्षिक गतिविधीलाई शिक्षालयहरुमाप्रयोग गर्नुपर्ने धारणा राखे ।

कार्यक्रममा कलेज प्रमुख रमेश ज्ञवालीले प्रगति प्रतिवेदन प्रस्तुत गर्दै काम लाग्ने खालेको शिक्षा दिन कलेज प्रतिवद्धरहेको बताए । कलेजले वार्षिक कार्यतालिका अनुसार एकसाता अगाडिदेखि सप्ताहब्यापी खेलकुद कार्यक्रमलगायतका अतिरिक्त कृयाकलापहरु गर्दै आएको कलेजका शैक्षिक संयोजक राजेन्द्र कुँवरले जानकारी दिए ।

पुरस्कार वितरण कार्यक्रमको अवसर पारी कलेजले खेलकुद तथा शैक्षिक पुरस्कार वितरण, विद्यार्थीद्वारा खानामहोत्सव, खुल्ला नृत्य प्रतियोगिता, स्वास्थ्य शिविर लगायतका कार्यक्रम गरेको शैक्षिक संयोजक कुँवरले जानकारीदिए । कक्षा ११, १२ सँगै स्नातक तहमा शिक्षा तथा ब्यवस्थापन संकायमा अध्ययापन गराउँदै आएको न्यु लाईटमा एकहजार बढी विद्यार्थीहरुले अध्ययन गर्ने गरेको लेखा प्रमुख रविन शाक्यले जानकारी दिए ।