पछिल्लो समय गोदावरीको सम्मेलन केन्द्रलाई आधार मानेर एउटा रेट आएको र त्यसलाई नै मुख्य हल भाडामा दिने तयारी भइरहेको सभाहल तथा प्रद्धशनी केन्द्र निर्माण कार्यान्वयन इकाई प्रमुख धर्मेन्द्र पन्थीले बताए ।

सुरुवातमा बुटवल सम्मेलन केन्द्र आफैँले सञ्चालन गर्ने भन्दै बुटवल उपमहानगरले जग्गा उपलब्ध गराएको थियो । तर, सम्मेलन केन्द्र सञ्चालन कार्यविधिमा पाँच सय जना क्षमताको सभाहल गाउँपालिका वा नगरपालिका र ७ सयसम्मको उपमहानगरपालिकाले सञ्चालन गर्न पाउने व्यवस्था छ । एक हजार जना बढी क्षमताको यो सम्मेलन केन्द्र सहरी विकास मन्त्रालय मातहत विकास समिति बनाएर मात्रै बुटवल उपमहानगरले सञ्चालन गर्ने गरी कार्यविधि प्रस्ताव गरिएको छ ।

बुटवल मण्डपको साढे १६ बिघा जमिनमध्ये ९ दशमलव ६ बिघा क्षेत्रफलमा फैलिएको सम्मलेन केन्द्रमा राष्ट्रिय झण्डाको चन्द्रसूर्य आकारका २ वटा भवन छन् । केन्द्रभित्रै दुई तले भवनमा व्यवसायिक क्षेत्र, रेष्टुरा, एटीएम, खाजा घर र प्रशासनिक कक्ष छन् । हेलिप्याडसहित चार सय गाडी र चार सय मोटरसाइकल अटाउने खुला पार्किङ छ । चारैतिर आकर्षक प्रवेशद्वार बनाइएको सम्मेलन केन्द्रमा आकर्षक सुन्दर बगैँचा, पोखरी, फुटपाथ, लगायतका संरचना छन् । आफ्नो ठाउँमा सुबिधा सम्पन्न सम्मेलन केन्द्र निर्माण भएर पनि सञ्चालनमा नआउदा स्थानीय दुःखी छन् ।

सम्मेलन केन्द्रको मासिक सञ्चालन खर्च १३ लाख रुपैयाँ अनुमान गरिएको छ । यो वा त्यो बहानामा अर्ब बढी लगानी गरेर निर्माण गरिएको सम्मेलन केन्द्र सञ्चालन नगरेर अलपत्र पार्नु सरकारको कमजोरी हो ।