बुटवल । स्वाभिमानको लागि एक महिला मन्च तिलोत्तमाको अध्यक्षमा झिमकला पाण्डे चयन भएकी छिन् । आईतबार भएको छैठौ साधारण सभा तथा दोस्रो अबिधेशनबाट पाण्डे अध्यक्षमा चयन भएकी हुन । त्यसैगरी उपाध्यक्षमा प्रतिमा पन्त, सचिवमा शान्ता पाण्डे भुसाल, कोषाध्यक्षमा नेत्रादेवी भुसाल चयन भएका छन् । अबिधेशनले १७ सदस्यीय नयाँ नेतृत्व चयन गरेको छ ।
अबिधेशनको एक कार्यक्रमका बीच तिलोत्तमा नगरपालिकाकी उपप्रमुख जागेश्वरीदेवी चौधरीले उद्घाटन गरिन । सो अवसरमा बोल्दै उनले एकल महिलाहरुको हक हितका लागि संगठित रुपमा मञ्च लागेको भन्दै यसलाई दिगो बनाउन सवै लाग्नुपर्नेमा जोड दिईन ।
उनले मञ्चमा आबद्ध महिलाहरु एकजुट हुनु राम्रो भएको भन्दै एकल महिलाहरुलाई सामाजले हेर्नेदृष्टिकोण फरक रहेपनि त्यस्तो दृष्टिकोण परिर्वतन गर्दै अगाडि बढेकोमा मञ्चलाई धन्यवाद समेत दिईन ।
‘मानिस जन्मछ र मृत्यु पनि हुन्छ । मात्र कोही छिटो त कोही ढिलो मृत्यु हुन्छ । तर त्यसलाई अन्यथा हामीले लिनु हुँदैन । दुःख र पिर लाग्छ तर पनि सवै सामाना गरेर अगाडि बढ्नुको विकल्प हुँदैन’ उनले भनिन् ।
उनले एक महिलाहरुको जिम्मेवारी अझ बढि हुने भएकाले हिम्मतका साथ अगाडि बढ्न सवैलाई आग्रह गरिन । कार्यक्रम मञ्चकी अध्यक्ष झरनादेवी न्यौपानेको अध्यक्षता तथा सचिव प्रतिमा पन्तको सञ्चालनमा सम्पन्न भएको थियो । कार्यक्रममा तिलोत्तमा नगरपालिकाकी सामाजिक विकास शाखाकी बरिष्ट सामाजिक परिचालिका अल्पा घिमिरे शुभकामना दिएकी थिईन ।
